ഇരിക്കൂര്‍: ഇസ്‌ലാമിക പ്രബോധകര്‍ മാതൃകയാവണമെന്ന് എസ്. വൈ.എസ് സംസ്ഥാന വര്‍ക്കിങ് സെക്രട്ടറി പിണങ്ങോട് അബൂബക്കര്‍. എസ്.വൈ.എസ് ഇരിക്കൂര്‍ ഏരിയ ഉണര്‍വ് യാത്ര ഉദ്ഘാടനം ചെയ്യുകയായിരുന്നു അദ്ദേഹം.
പ്രബോധകര്‍ മനുഷ്യപുരോഗതിക്കായി സമര്‍പ്പിത സന്നദ്ധരാവണം. ആടുകളെ മേയ്ക്കാതെ ഒരു പ്രവാചകനും ലോകത്തു കഴിഞ്ഞുപോയിട്ടില്ല. ക്ഷമ, ജാഗ്രത എന്നീ സത്ഗുണങ്ങള്‍ നേടിയെടുക്കാന്‍ പ്രവാചക പ്രബോധകര്‍ക്കു ഇതുവഴി സാധിച്ചെന്നും പിണങ്ങോട് കൂട്ടിച്ചേര്‍ത്തു.
കെ.സി ഹബീബ് തങ്ങള്‍ അധ്യക്ഷനായി. നിലാമുറ്റത്തു നടന്ന പതാക കൈമാറ്റം മണ്ഡലം എസ്.വൈ.എസ് പ്രസിഡന്റ് ടി.വി ഉമ്മര്‍ഹാജി നിര്‍വഹിച്ചു. കെ.കെ.എം റഫീഖ് മൗലവി, മുസ്തഫ അമാനി, ബാസിം ഗസാല, അബ്ദുസലാം ഇരിക്കൂര്‍, സി.പി നൗഷാദ്, കെ.വി ബഷീര്‍, പി.പി അബ്ദുല്‍ ജബ്ബാര്‍, കെ.കെ മുഹമദ് മൗലവി, കെ ഇര്‍ഷാദ് സംസാരിച്ചു.