തലശ്ശേരി: നോട്ടുകള്‍ അസാധുവാക്കിയിട്ട് 50 ദിവസങ്ങള്‍ പിന്നിടുമ്പോഴും പൊതുജനത്തിന്റെ ദുരിതത്തിനു അറുതി വരുത്താത്തതിനെതിരെ യുവാക്കളുടെ വേറിട്ട പ്രതിഷേധം. തലശ്ശേരി കിവീസ് ക്ലബ് അഗങ്ങളാണ് കറുത്ത വസ്ത്രമണിഞ്ഞ് വായമൂടിക്കെട്ടി നഗരത്തിലെ എ.ടി.എം സെന്ററുകള്‍ക്കു മുന്നില്‍ പ്രതിഷേധിച്ചത്. പതിനഞ്ച് ബൈക്കുകളിലായി 30 പേരടങ്ങുന്ന സംഘം എ.ടി.എമ്മുകള്‍ക്ക് മുമ്പില്‍ റീത്തും സമര്‍പ്പിച്ചു. വേണ്ടത്ര നിരീക്ഷണ പാടവമില്ലാത്ത ഭരണാധികാരികളാല്‍ ഭരിക്കപ്പെടുന്നത് തന്നെ നാണക്കേടാണെന്ന് കറന്‍സി നിരോധന വിഷയത്തെക്കുറിച്ച് യുവാക്കള്‍ അഭിപ്രായപ്പെട്ടു. പ്രതിഷേധ പരിപാടിക്ക് നിഷാല്‍ കായ്യത്ത്, സി.എച്ച് നൗരിഫ്, ടി.സി വലീദ് ബഷീര്‍, നദീ, നവീന്‍ നേറോത്ത് നേതൃത്വം നല്‍കി.