കാസര്‍കോട്: ക്ലസ്റ്റര്‍ തലങ്ങളില്‍ സംഘടനാ പ്രവര്‍ത്തനം ശക്തിപ്പെടുത്തുന്നതിന്റെ ഭാഗമായി എസ്.കെ.എസ്.എസ്.എഫ് സംസ്ഥാന കമ്മിറ്റി സംഘടിപ്പിച്ച ലീഡേഴ്‌സ് കാരവന്‍ നാളെ സമാപിക്കും. ഇന്നു ചെര്‍ക്കള മേഖലയിലെ ആലംപാടിയില്‍ നിന്നു പര്യടനം തുടങ്ങും. സമസ്ത ജില്ലാ മുശാവറ അംഗം അബ്ദുല്‍ സലാം ദാരിമി ഉദ്ഘാടനം ചെയ്യും. തുടന്ന് അണങ്കൂര്‍ തളങ്കര ക്ലസ്റ്റര്‍ പരിപാടി അണങ്കൂര്‍ മദ്‌റസയിലും, ഉളിയത്തടുക്ക ക്ലസ്റ്റര്‍ പരിപാടി എസ്.പി നഗറിലും മൊഗ്രാല്‍ പുത്തൂര്‍ ക്ലസ്റ്റര്‍ പരിപാടി കോട്ടക്കുന്നിലും നടക്കും. കുമ്പള മേഖലയിലെ മൊഗ്രാല്‍ ക്ലസ്റ്ററില്‍ സമാപിക്കും. ഇന്നു നടക്കുന്ന പര്യടനത്തില്‍ ഹാരിസ് ദാരിമി ബെദിര, എം.എ ഖലീല്‍, എ.എ സിറാജുദ്ധീന്‍, മൊയ്തീന്‍ കുഞ്ഞി, യൂനുസ് ഹസനി, ഉമറുല്‍ ഫാറൂഖ് തങ്ങള്‍, അബ്ദുല്ല റഹ്്മാനി, ഫാറൂഖ് ദാരിമി, ഇര്‍ഷാദ് ഹുദവി, ശിഹാബ് പങ്കെടുക്കും. നാളെ ഉദുമ, കാഞ്ഞങ്ങാട് മേഖലകളില്‍ പര്യടനം തുടരും.