വിജയവാഡ: ആന്ധ്രാപ്രദേശിലെ നെല്ലൂരില്‍ പടക്കനിര്‍മാണശാലയിലുണ്ടായ സ്‌ഫോടനത്തില്‍ മൂന്നു പേര്‍ കൊല്ലപ്പെട്ടു. സംഭവത്തില്‍ 15 പേര്‍ക്കു പരുക്കേറ്റിട്ടുണ്ട്.

പടക്ക നിര്‍മാണശാലയിലുണ്ടാ തീപ്പൊരിയാണ് അപകടത്തിനിടയാക്കിയതെന്ന് പൊലിസ് പറഞ്ഞു. മരിച്ചവരുടെ ശരീരം തിരിച്ചറിഞ്ഞിട്ടുണ്ട്. ഗുരുതരമായി പരുക്കേറ്റവരെ നഗരത്തിലെ വിവിധ ആശുപത്രികളില്‍ പ്രവേശിപ്പിച്ചു.
ജില്ലാ പൊലിസ് സൂപ്രണ്ടും ജില്ലാ കലക്ടറും അപകടസ്ഥലത്തെത്തി രക്ഷാപ്രവര്‍ത്തനങ്ങള്‍ക്കു നേതൃത്വം നല്‍കി. സംഭവത്തില്‍ സംസ്ഥാന ആഭ്യന്തര വകുപ്പ് മന്ത്രി എന്‍. ചിന്നരാജപ്പ അന്വേഷണം പ്രഖ്യാപിച്ചു.