ന്യൂഡല്‍ഹി: ദാറുല്‍ഹുദാ ഇസ്‌ലാമിക് സര്‍വകലാശാലയുടെ ദേശീയതല സംഗമം ഇന്നു വൈകിട്ട് ആറിന് ന്യൂഡല്‍ഹിയിലെ തൈമൂര്‍ നഗറിലെ ഫൗണ്ടൈന്‍ ഇന്റര്‍നാഷനള്‍ കോച്ചിങ് സെന്ററില്‍ നടക്കും. ദാറുല്‍ഹുദാ ഇസ്‌ലാമിക് സര്‍വകലാശാലാ വൈസ് ചാന്‍സലര്‍ ഡോ. ബഹാഉദ്ദീന്‍ മുഹമ്മദ് നദ്‌വി സംഗമം ഉദ്ഘാടനം ചെയ്യും.
മുസ്‌ലിം സ്റ്റുഡന്റ്‌സ് ഓര്‍ഗനൈസേഷന്‍ ജന. സെക്രട്ടറി ശുജാഅത്ത് ഖാദിരി, ഇന്ത്യന്‍ യൂനിയന്‍ മുസ്‌ലിം ലീഗ് സ്റ്റേറ്റ് സെക്രട്ടറി മുഹമ്മദ് ഇംറാന്‍ ഇജാസ്, അഡ്വ. മുഹമ്മദ് ഫൈസല്‍, മന്‍സൂര്‍ ഹുദവി പാതിരമണ്ണ, അബ്ദുസ്സലാം ഹുദവി, ശക്കീല്‍ ഹുദവി കരിപ്പൂര്‍ സംസാരിക്കും.