പാലക്കാട്: പട്ടികജാതി യുവാക്കള്‍ക്ക് സൈന്യത്തിലും അനുബന്ധ സേനകളിലും ജോലി നേടുന്നതിനായി ജില്ലാ പട്ടിജാതി വികസന വകുപ്പ് രണ്ട് മാസത്തെ സൗജന്യ തൊഴില്‍ പരിശീലനം നല്‍കും. 17നും 27നും ഇടയില്‍ പ്രായമുള്ള എസ്.എസ്.എല്‍.സിപ്ലസ്ടു യോഗ്യതയുള്ള പട്ടികജാതിക്കാര്‍ക്ക് (നഗരസഭാ പരിധിയിലുള്ളവര്‍ ഒഴികെ) അപേക്ഷിക്കാം. അപേക്ഷകര്‍ക്ക് ശാരീരികക്ഷമതയും 167 സെ.മീ ഉയരവും വേണം. രണ്ട് മാസം കോഴിക്കോട് പി.ആര്‍.ടി.സിയില്‍ നടക്കുന്ന പരിശീലനത്തില്‍ പങ്കെടുക്കാന്‍ താല്‍പര്യമുള്ളവര്‍ പ്രായം, ജാതി, യോഗ്യത തെളിയിക്കുന്ന രേഖകളുടെ പകര്‍പ്പുമായി ജനുവരി നാല് രാവിലെ 11ന് സിവില്‍ സ്റ്റേഷനിലുള്ള ജില്ലാ പട്ടികജാതി വികസന ഓഫിസിലെത്തണം. ഫോണ്‍: 9447469280.