എസ്.പി പുകച്ചില്‍ തീരുന്നില്ല; രാംഗോപാല്‍ യാദവിനെ വീണ്ടും പുറത്താക്കി

backup

January 01 2017 | 09:01 AM

%e0%b4%8e%e0%b4%b8%e0%b5%8d-%e0%b4%aa%e0%b4%bf-%e0%b4%aa%e0%b5%81%e0%b4%95%e0%b4%9a%e0%b5%8d%e0%b4%9a%e0%b4%bf%e0%b4%b2%e0%b5%8d%e2%80%8d-%e0%b4%a4%e0%b5%80%e0%b4%b0%e0%b5%81%e0%b4%a8%e0%b5%8d

ലക്‌നൗ: ഉത്തര്‍പ്രദേശില്‍ സമാജ് വാദി (എസ്.പി) പാര്‍ട്ടിയിലെ പ്രതിസന്ധി ഒഴിയാതെ തുടരുന്നു. മുലായം സിങിന്റെ വിലക്ക് മറികടന്ന് ഇന്ന് സമ്മേളനം വിളിച്ചുചേര്‍ത്ത രാംഗോപാല്‍ യാദവിനെ പാര്‍ട്ടിയില്‍ നിന്ന് പുറത്താക്കിയതായി മുലായം വാര്‍ത്താക്കുറിപ്പ് ഇറക്കി.

ദേശീയ അധ്യക്ഷന്‍ മുലായം സിങ് യാദവിനെ പുറത്താക്കി പകരം മകന്‍ അഖിലേഷ് യാദവിനെ നിയോഗിച്ചതായി സമ്മേളനത്തില്‍ രാംഗോപാല്‍ യാദവ് പ്രഖ്യാപിച്ചിരുന്നു. അതിനു പിന്നാലെയാണ് മുലായത്തിന്റെ നീക്കം.

വരുന്ന നിയമസഭാ തെരഞ്ഞെടുപ്പില്‍ പാര്‍ട്ടി സ്ഥാനാര്‍ഥികളെ പ്രഖ്യാപിച്ചതുമായി ബന്ധപ്പെട്ടാണ് സമാജ് വാദി പാര്‍ട്ടിയില്‍ പ്രശ്‌നങ്ങള്‍ തുടങ്ങുന്നത്. മുഖ്യമന്ത്രി അഖിലേഷ് യാദവിന്റെ അടുത്ത അനുയായികളെ ഒഴിവാക്കി മുലായം സിങ് പട്ടിക പുറത്തിറക്കിയതോടെ മറ്റൊരു പട്ടിക കൂടി അഖിലേഷ് പുറത്തിറക്കുകയായിരുന്നു. ഇതേത്തുടര്‍ന്ന് അഖിലേഷിനെയും രാംഗോപാലിനെയും മുലായം പുറത്താക്കി. ഇതോടെ പാര്‍ട്ടി പിളര്‍പ്പിന്റെ വക്കിലെത്തിയെങ്കിലും ചര്‍ച്ചകള്‍ക്കൊടുവില്‍ തിരിച്ചെടുത്തു.

പക്ഷെ, ഇന്നു രാവിലെ രാംഗോപാലിന്റെ നേതൃത്വത്തില്‍ ലക്‌നൗവില്‍ യോഗം വിളിച്ചുചേര്‍ത്ത സമ്മേളനത്തില്‍ ദേശീയ അധ്യക്ഷനായി മുലായത്തിനു പകരം അഖിലേഷിനെ പ്രഖ്യാപിച്ചു. യോഗം ചേരുന്നതിനെ വിലക്കി മുലായം കത്ത് നല്‍കിയെങ്കിലും അഖിലേഷ് അടക്കം സംബന്ധിച്ചു. ഇതോടെയാണ് രാംഗോപാലിനെ പുറത്താക്കി കൊണ്ട് മുലായം പ്രസ്താവന ഇറക്കിയത്.

Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."