ബ്രസീലിയ: പുതുവര്‍ഷാഘോഷത്തിനിടെ ബ്രസീലില്‍ യുവാവ് നടത്തിയ വെടിവയ്പില്‍ 12 പേര്‍ കൊല്ലപ്പെട്ടു. സാവോപോളയില്‍ നിന്ന് 100 കി.മി അകലെ കാംപിനാസിലാണ് സംഭവം. അക്രമിയുടെ മുന്‍ ഭാര്യ, ഇവരുടെ മകന്‍, മറ്റു പത്തു പേര്‍ എന്നിവരാണ് കൊല്ലപ്പെട്ടത്. കൈയില്‍ ആയുധങ്ങളുമായി വീട്ടിലേക്ക് അതിക്രമിച്ചെത്തിയ യുവാവ് ഇവിടെയുണ്ടായിരുന്നവര്‍ക്കു നേരെ നിറയൊഴിക്കുകയായിരുന്നു. വെടിവയ്പില്‍ മൂന്നു പേര്‍ക്കു പരിക്കേറ്റതായാണ് റിപ്പോര്‍ട്ട്.
വെടിയുതിര്‍ക്കുന്ന ശബ്ദം അയല്‍ക്കാര്‍ കേട്ടെങ്കിലും പുതുവര്‍ഷാഘോഷത്തോട് അനുബന്ധിച്ചുള്ള ശബ്ദമെന്നു കരുതിയതാണ് അക്രമിക്കു രക്ഷപ്പെടാന്‍ സാഹചര്യമൊരുക്കിയത്.