പേരാമ്പ്ര: കാടുമൂടിക്കിടന്ന പെരുവണ്ണാമൂഴി ടൂറിസ്റ്റ് കേന്ദ്രം വൃത്തിയാക്കി പടത്തുകടവ് ഹോളി ഫാമിലി ഹയര്‍ സെക്കന്‍ഡറി സ്‌കൂളിലെ എന്‍.എസ്.എസ് വിദ്യാര്‍ഥികള്‍.
എന്‍.എസ്.എസ് സപ്തദിന ക്യാംപിന്റെ ഭാഗമായാണ് കേന്ദ്രം വൃത്തിയാക്കിയത്. കാട് വെട്ടി വൃത്തിയാക്കിയ ഭാഗങ്ങളില്‍ ചെടികളും നട്ടുപിടിപ്പിച്ചു. പെരുവണ്ണാമുഴി ഫാത്തിമ യു.പി സ്‌കൂളില്‍ നടന്ന ക്യാംപ് ഇന്നലെ സമാപിച്ചു. എം.ടി തോമസ്, പ്രോഗ്രാം ലീഡര്‍ ലിപിന്‍ ജയിംസ്, എം.എന്‍ മിഥുന്‍, അരുണ്‍ രാജന്‍, വി. ബിജേഷ്, പി. ജിനേഷ്, ലിനു ചെറിയാന്‍, പി. ജിഗി, വി. ജിതിത, ജോബിയ ഫിലിപ്പ് നേതൃത്വം നല്‍കി. കുറ്റ്യാടി ജലസേചന വകുപ്പുദ്യോഗസ്ഥര്‍ കുട്ടികള്‍ക്ക് പൂര്‍ണ പിന്തുണ നല്‍കി.