കോഴിക്കോട്: ഗുജറാത്തിലെ വഡോദരയില്‍ നടന്ന ദേശീയ സ്റ്റുഡന്റ്‌സ് ഒളിംപിക് ഷട്ടില്‍-ബാഡ്മിന്റണ്‍ ചാംപ്യന്‍ഷിപ്പില്‍ വിജയികളായ കേരള ടീം അംഗങ്ങള്‍ക്കും അത്‌ലറ്റിക്‌സില്‍ വിജയികളായവര്‍ക്കും മധ്യപ്രദേശിലെ ഭോപ്പാലില്‍ നടന്ന ദേശീയ സ്റ്റുഡന്റ്‌സ് അണ്ടര്‍-22 ഫുട്‌ബോള്‍ ചാംപ്യന്‍മാരായ കേരള ടീമിനും കോഴിക്കോട് ഇന്‍ഡോര്‍ സ്റ്റേഡിയത്തില്‍ കേരള സ്റ്റുഡന്റ് ഒളിംപിക് അസോസിയേഷന്റെ നേതൃത്വത്തില്‍ സ്വീകരണം നല്‍കി.
അസോസിയേഷന്‍ സംസ്ഥാന പ്രസിഡന്റ് പി.എ ഹംസ അധ്യക്ഷനായി. ബാലുശ്ശേരി എം.എല്‍.എ പുരുഷന്‍ കടലുണ്ടി ഉദ്ഘാടനം ചെയ്തു. കോഴിക്കോട് പ്രസ്‌ക്ലബ് പ്രസിഡന്റ് കമാല്‍ വരദൂര്‍ ഉപഹാരങ്ങള്‍ നല്‍കി. കോസ്‌മോസ് സ്‌പോര്‍ട്‌സ് മാനേജിങ് ഡയറക്ടര്‍ ടി.സി അഹമ്മദ് മുഖ്യാതിഥിയായിരുന്നു.
കേരള സ്‌പോര്‍ട്‌സ് കൗണ്‍സില്‍ അംഗം ടി.എം അബ്ദുറഹ്മാന്‍, പി. മുസമ്മില്‍, എ. നാസര്‍, പി. ഖാസിം, സെക്രട്ടറി എ.കെ മുഹമ്മദ്, ജില്ലാ വൈസ് പ്രസിഡന്റ് എം.പി മുഹമ്മദ് ഇസ്ഹാഖ് സംസാരിച്ചു.