കിഴിശ്ശേരി: മുതുവല്ലൂര്‍ പഞ്ചായത്ത് പരതക്കാട് മുസ്‌ലിംലീഗ്, യൂത്ത്‌ലീഗ്, എം.എസ്.എഫ് കമ്മിറ്റികള്‍ സംയുക്തമായി പഠനക്യാംപ്, തലമുറ സംഗമം, ചങ്ങാതിക്കൂട്ടം, പ്രവാസി സംഗമം എന്നിവ നടത്തി. എം.പി സിദ്ദീഖ് പതാക ഉയര്‍ത്തി.തലമുറ സംഗമം പി.എ ജബ്ബാര്‍ ഹാജി ഉദ്ഘാടനം ചെയ്തു.
ശരീഫ് കുറ്റൂര്‍ മുഖ്യപ്രഭാഷണം നടത്തി. ചങ്ങാതിക്കൂട്ടം എന്‍.സി ഷെരീഫ് ഉദ്ഘാടനം ചെയ്തു. കെ.കെ മുനീര്‍ മാസ്റ്റര്‍ നേതൃത്വം നല്‍കി. ലുഖ്മാന്‍ അരീക്കോട്, മുഹമ്മദ് മുസ്തഫ സംബന്ധിച്ചു.വനിതാ സംഗമം ശരീഫ ടീച്ചര്‍ ഉദ്ഘാടനം ചെയ്തു. ജില്ലാപഞ്ചായത്തംഗം സറീന ഹസീബ് വിഷയാവതരണം നടത്തി.