പരപ്പനങ്ങാടി: മധുവിധുവിന്റെ അനുരാഗം തീരുംമുന്‍പേ നൊമ്പരങ്ങള്‍ ബാക്കിയാക്കി ഹുസ്‌ന യാത്രയായി. ഇന്നലെ മൂന്നിയൂര്‍ കളിയാട്ടമുക്ക് കാരിയാട് കടവ് പാലത്തിനു സമീപത്തുണ്ടായ അപകടത്തില്‍ മരണമടഞ്ഞ ചുഴലി കുന്നുമ്മല്‍ കുട്ടിഹസ്സന്‍-റംല ദമ്പതികളുടെ മകളാണ് നാടിന്റെ നൊമ്പരമായത്.
ഡിസംബര്‍ പത്തിനായിരുന്നു ചിറമംഗലം തിരിച്ചിലങ്ങാടിയിലെ കോണിയത്ത് സമീറിന്റെ ജീവിതത്തിലേക്കു ഹുസ്‌ന കടന്നുവന്നത്. കളിയാട്ട മുക്കിലെ ബന്ധുവീട്ടിലെ വിവാഹത്തിനു മാരുതി ആള്‍ട്ടോ കാറില്‍ പോകുമ്പോഴാണ് ഹുസ്‌നയടക്കം കുടുംബത്തിലെ മൂന്നു പേരുടെ ജീവന്‍ പൊലിഞ്ഞത്.