കോഴിക്കോട്: എംടി വാസുദേവന്‍നായര്‍ക്കെതിരെ വിമര്‍ശനവുമായി ബിജെപി വീണ്ടും. എംടിയുടെ സാഹിത്യവും വാക്കുകളും വിമര്‍ശിക്കപ്പെടുമെന്ന് ബിജെപി ദേശീയ നിര്‍വാഹക സമിതി അംഗം വി. മുരളീധരന്‍ പറഞ്ഞു. അദ്ദേഹം വിമര്‍ശനത്തിന് അതീതനല്ലെന്നും മുരളീധരന്‍ പറഞ്ഞു.

എംടിയെ പിന്തുണച്ച് സംവിധായകന്‍ കമല്‍ രംഗത്തുവന്നതിനെയും അ്‌ദ്ദേഹം വിമര്‍ശിച്ചു. ദേശീയ ഗാനവിഷയത്തിലുണ്ടായ പരുക്ക് മറക്കാനാണ് കമലിന്റെ ശ്രമമെന്നും അദ്ദേഹം പറഞ്ഞു.

നോട്ട് പിന്‍വലിക്കലിനെ തുടര്‍ന്ന് പ്രധാനമന്ത്രി നരേന്ദ്ര മോദി നടത്തിയ പരിഷ്‌കാരങ്ങളെ അതിരൂക്ഷമായി എംടി വിമര്‍ശിച്ചിരുന്നു. തുടര്‍ന്നാണ് എംടിക്കെതിരെ ബിജെപി നേതാക്കളുടെ വിമര്‍ശനങ്ങള്‍ ഉയര്‍ന്നത്