പട്ടാമ്പി:57 ാമത് പാലക്കാട് റവന്യുജില്ലാ സ്‌കൂള്‍ കലോത്സവത്തിന് നാളെ തുടക്കമാകും. മൂന്ന്് മുതല്‍ ഏഴുവരെ പട്ടാമ്പി ഗവ.ഹയര്‍സെക്കണ്ടറി സ്‌കൂളിലാണ് ജില്ലാ സ്‌കൂള്‍ കലോത്സവം നടക്കുന്നത്. ജില്ലയിലെ 12 ഉപജില്ലകളില്‍ നിന്നായി 6664 പേര്‍ രജിസ്റ്റര്‍ ചെയ്തതായി പ്രോഗ്രാം കമ്മിറ്റി കണ്‍വീനര്‍ അറിയിച്ചു.

ജില്ലയില്‍ മാത്രമായി ഇതിനുപുറമെ തമിഴ് കലോത്സവത്തിനായി 200 പേരുടെ രജിസ്‌ട്രേഷനും പൂര്‍ത്തിയായിട്ടുണ്ട്്്.300 അപ്പീലുകള്‍ വരെ വിവിധ ഉപജില്ലകളില്‍ നിന്നായി സംഘാടകസമിതി പ്രതീക്ഷിക്കുന്നുണ്ടെന്നും മുപ്പത് അപ്പീലുകളാണ് ലഭിച്ചിട്ടുള്ളതെന്നും സംഘാടകസമിതി അറിയിച്ചു. മത്സരദിവസമായാല്‍ മാത്രമാണ് എത്ര അപ്പീലുകള്‍ ലഭിച്ചുവെന്ന്വ്യക്തമാകുകയുള്ളൂ എന്നും ഭാരവാഹികള്‍ പറഞ്ഞു.

നാളെ പട്ടാമ്പി ഗവ.ഹയര്‍സെക്കണ്ടറി സ്‌കൂളിലെ 25 ക്ലാസ് മുറികളിലായി സ്റ്റേജിതര മത്സരങ്ങള്‍ നടക്കും. കൂടാതെ 1,2,9 വേദികളിലായി വഞ്ചിപ്പാട്ട്്്്, പൂരക്കളി, പരിചമുട്ടുകളി, ശാസ്ത്രീയ സംഗീതം എന്നീ സ്റ്റേജിന മത്സരങ്ങളും നടക്കും. അഞ്ച്്്് ദിവസങ്ങളിലായി നടക്കുന്ന കലോത്സവത്തില്‍ 321 ഇനങ്ങളിലാണ് മത്സരം. അറബിക് കലോത്സവം, സംസ്‌കൃതോത്സവം, തമിഴ് സാഹിത്യോത്സവം എന്നിവയും ഇതോടൊപ്പം നടക്കും. ബുധനാഴ്ച വൈകുന്നേരം നാലിന് ഒൗേദ്യാഗിക ഉദ്ഘാടനവും ഘോഷയാത്രയും നടക്കും.