തിരുവനന്തപുരം: എ.കെ.എസ്.ടി.യു. 20-ാം സംസ്ഥാന സമ്മേളനത്തോടനുബന്ധിച്ച് അധ്യാപകര്‍ക്കും ബി.എഡ്, ഡി.എഡ്. അധ്യാപക വിദ്യാര്‍ഥികള്‍ക്കും സ്‌കൂള്‍ കുട്ടികള്‍ക്കുമായി കഥ, കവിത, ഉപന്യാസ മത്സരങ്ങള്‍ നടത്തുന്നു.
കഥയ്ക്കും കവിതയ്ക്കും വിഷയനിബന്ധനയില്ല. ഉപന്യാസത്തിന് അധ്യാപക വിഭാഗത്തില്‍ 'ദേശീയ പാഠ്യ പദ്ധതിയും പൊതു വിദ്യാഭ്യാസ മേഖലയും', അധ്യാപക വിദ്യാര്‍ഥികള്‍ക്ക് 'ഹൈടെക് വിദ്യാഭ്യാസം സാധ്യതകളും വെല്ലുവിളികളും,' ഹയര്‍ സെക്കന്ററി വിഭാഗം 'തൊഴിലധിഷ്ഠിത വിദ്യാഭ്യാസം എന്റെ കാഴ്ചപ്പാടില്‍', സ്‌കൂള്‍ വിഭാഗം (എച്ച്.എസ്., യു.പി) 'ആറ് പതിറ്റാണ്ട് പിന്നിട്ട കേരളം' എന്നിങ്ങനെയാണ് വിഷയങ്ങള്‍. ഉപന്യാസം 10 പേജില്‍ കവിയാന്‍ പാടില്ല. മത്സര വിജയികള്‍ക്ക് അടുത്തമാസം കൊല്ലത്ത് നടക്കുന്ന സംസ്ഥാന സമ്മേളനത്തില്‍ ക്യാഷ് അവാര്‍ഡും സര്‍ട്ടിഫിക്കറ്റുകളും നല്‍കും.
രചനകള്‍ അടയ്ക്കുന്ന അധ്യാപകര്‍ അതോടൊപ്പം സ്വന്തം ഫോണ്‍ നമ്പരും സ്‌കൂള്‍ വിലാസവും രേഖപ്പെടുത്തണം. വിദ്യാര്‍ഥികള്‍ രചനകള്‍ സ്വന്തമാണെന്ന് തെളിയിക്കുന്ന സ്‌കൂള്‍ മേലധികാരിയുടെ സാക്ഷ്യപത്രത്തോടൊപ്പം സ്‌കൂള്‍ വിലാസവും സ്വന്തം ഫോണ്‍ നമ്പറും ഉള്‍പ്പെടുത്തണം. രചനകള്‍എന്‍.ഗോപാലകൃഷ്ണന്‍, ജനറല്‍ കണ്‍വീനര്‍, എ.കെ.എസ്.ടി.യു. സംസ്ഥാന സമ്മേളന സ്വാഗതസംഘം, സ്വാഗതസംഘം ഓഫിസ് (ജോയിന്റ് കൗണ്‍സില്‍ ഓഫിസ്) എന്ന വിലാസത്തില്‍ ജനുവരി 20 ന് മുമ്പ് ലഭിക്കത്തക്കവിധം അയയ്ക്കണം. ഫോണ്‍: 9497133054