ദാരിദ്ര്യരേഖയ്ക്ക് താഴെയുള്ള പട്ടികജാതിക്കാര്‍ക്ക് വിവിധ മത്സര പരീക്ഷകള്‍ക്ക് തയ്യാറെടുക്കുന്നതിനായി 60 ദിവസത്തെ സൗജന്യ പരിശീലനം ജില്ലാ എംപ്ലോയ്‌മെന്റ് എക്‌സ്‌ചേഞ്ചിലെ വൊക്കേഷണല്‍ ഗൈഡന്‍സ് വിഭാഗത്തിന്റെ ആഭിമുഖ്യത്തില്‍ നല്‍കുന്നു. ജനുവരി ആറ് മുതല്‍ മലപ്പുറം എയ്‌സ് അക്കാദമിയില്‍ നടത്തുന്ന പരിപാടി ആറിന് രാവിലെ 10 ന് ജില്ലാ പഞ്ചായത്ത് പ്രസിഡന്റ് എ.പി. ഉണ്ണികൃഷ്ണന്‍ ഉദ്ഘാടനം ചെയ്യും. പെരിന്തല്‍മണ്ണ സബ്കലക്ടര്‍ ജാഫര്‍ മാലിക്, എംപ്ലോയ്‌മെന്റ് ഓഫീസര്‍ (വി.ജി) രത്‌നാകരന്‍ പനക്കല്‍, ജില്ലാ പ്ലാനിങ് ഓഫീസര്‍ കെ. ജയപാല്‍, ജില്ലാ പട്ടികജാതി വികസന ഓഫീസര്‍ ലതാ നായര്‍, ജില്ലാ ഇന്‍ഫര്‍മേഷന്‍ ഓഫീസര്‍ സി. അയ്യപ്പന്‍, ജില്ലാ എംപ്ലോയ്‌മെന്റ് ഓഫീസര്‍ അബ്ദുസ്സമദ്. എ.കെ തുടങ്ങിയവര്‍ പങ്കെടുക്കും.