ചങ്ങരംകുളം: ചങ്ങരംകുളം മൂക്കുതലക്കു സമീപം കാഞ്ഞിയൂരില്‍ നാലു വിദ്യാര്‍ഥികളെ കാണാനില്ല. കഴിഞ്ഞ ദിവസം മുതലാണു കാണാതായിരിക്കുന്നത്. കാഞ്ഞിയൂര്‍ ചിറ്റയില്‍ മുഹമ്മദിന്റെ മകന്‍ ജാബിര്‍(16), കൊട്ടാരത്ത് വളപ്പില്‍ മുഹമ്മദിന്റെ മകന്‍ അംജദ്(15), അന്തിയൂര്‍ വളപ്പില്‍ അബ്ദുല്‍ സലീമിന്റെ മകന്‍ സഹല്‍(16), കിഴക്കൂട്ട് വളപ്പില്‍ സമദിന്റെ മകന്‍ റെമീസ്(15) എന്നിവരെയാണു കാണാതായത്. നാലും പേരും മൂക്കുതല ഗവ.ഹയര്‍സെക്കന്‍ഡറി സ്‌കൂളില്‍ 10-ാം ക്ലാസ് പഠിക്കേണ്ടവരാണ്. കഴിഞ്ഞ ദിവസം നിസ്‌കരിക്കാന്‍ പള്ളിയില്‍ പോയതാണു നാലുപേരും. നേരം കഴിഞ്ഞിട്ടും കുട്ടികളെ കാണാതായതിനെത്തുടര്‍ന്നു തെരച്ചില്‍ നടത്തിയെങ്കിലും കണ്ടെത്താന്‍ സാധിച്ചില്ല. കുട്ടികളുടെ മാതാപിതാക്കള്‍ ചങ്ങരംകുളം പൊലിസില്‍ പരാതി നല്‍കിയിട്ടുണ്ട്. കുട്ടികളെക്കുറിച്ച് വിവരം ലഭിക്കുന്നവര്‍ അടുത്തുള്ള പൊലിസ് സ്റ്റേഷനിലോ, ചങ്ങരംകുളം സ്റ്റേഷനിലോ ബന്ധപ്പെടണമെന്ന് എസ്.ഐ അറിയിച്ചു.ഫോണ്‍-04942650 437.