കുന്നുംകൈ: മഹല്ലുകള്‍ നന്മയുടെ പ്രഭാ കേന്ദ്രങ്ങളാവണമെന്നും മുന്‍ഗാമികളുടെ പ്രവര്‍ത്തനങ്ങള്‍ പുതു തലമുറ മാതൃകയാക്കണമെന്നും കേരള വഖഫ് ബോര്‍ഡ് ചെയര്‍മാന്‍ പാണക്കാട് സയ്യിദ് റഷീദലി ശിഹാബ് തങ്ങള്‍. കുന്നുംകൈ വെസ്റ്റ് ബദരിയ്യ ജമാഅത്ത് കമ്മിറ്റി നിര്‍മിച്ച ബദരിയ്യ ഹൗസിംഗ് കോംപ്ലക്‌സ് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. കാഞ്ഞങ്ങാട് സംയുക്ത ജമാഅത്ത് പ്രസിഡന്റ് മെട്രോ മുഹമ്മദ് ഹാജി ചടങ്ങില്‍ അധ്യക്ഷനായി. മഹല്ലിലെ മുതിര്‍ന്ന പൗരന്മാരെ റഷീദലി തങ്ങള്‍ ആദരിച്ചു.
ജമാഅത്ത് പ്രസിഡന്റ് എ.സി അബ്ദുല്‍ ഖാദര്‍ ഫണ്ട് ഏറ്റു വാങ്ങി. സയ്യിദ് എന്‍ പി.എം സയ്യിദ് സൈനുല്‍ ആബിദീന്‍ തങ്ങള്‍ മജിലിസുന്നൂര്‍ സംഗമത്തിന് നേതൃത്വം നല്‍കി.
സയ്യിദ് സിറാജുദ്ധീന്‍ തങ്ങള്‍ അല്‍ ബുഖാരി മുഖ്യ പ്രഭാഷണം നടത്തി. മുഹമ്മദ് റഫീഖ് അല്‍ അസ് ഹരി, പി മുഹമ്മദ് കുഞ്ഞി മാസ്റ്റര്‍, വണ്‍ ഫോര്‍ അബ്ദുല്‍ റഹ്മാന്‍, ജാതിയില്‍ അസിനാര്‍, വി.പി നൂറുദ്ധീന്‍ മൌലവി, വി.കെ ഷൌക്കത്തലി, സി.എച്ച് സത്താര്‍, പി ഉമര്‍ മൌലവി, പി.കെ അബ്ദുല്‍ ഖരീം മൌലവി, സയ്യിദ് ഖമറുദ്ധീന്‍ തങ്ങള്‍, എന്‍.പി അബ്ദുല്‍ റഹ്മാന്‍ മാസ്റ്റര്‍, കെ.കെ ആദംകുട്ടി, കെ.എന്‍ അബ്ദുല്‍ റഹ്മാന്‍ ഹാജി എന്നിവര്‍ സംബന്ധിച്ചു.