കാഞ്ഞങ്ങാട്: 1000- 500 രൂപ നോട്ടുകള്‍ പിന്‍വലിക്കുമ്പോള്‍ രാജ്യത്തെ കള്ളപ്പണം തടയാനാണ് ഇത്തരം നടപടികളെന്നും കേവലം 50 ദിവസംകൊണ്ട് രാജ്യത്തെ കള്ളപ്പണം തടയാന്‍ കഴിയുമെന്നും വീമ്പ് പറഞ്ഞ പ്രധാനമന്ത്രി നരേന്ദ്രമോഡി ഇന്ത്യയിലെ ജനങ്ങളുടെ മുന്നില്‍ അപഹാസ്യനായിരിക്കുകയാണെന്ന് ഡി.സി.സി പ്രസിഡന്റ് ഹഖീം കുന്നില്‍. എ.ഐ.എന്‍.ടി.യു.സി കാസര്‍കോട് ജില്ലാ കമ്മിറ്റി കാഞ്ഞങ്ങാട് സ്‌റ്റേറ്റ് ബാങ്കിന് മുന്നില്‍ സംഘടിപ്പിച്ച പ്രതിഷേധ മാര്‍ച്ച് ഉദ്ഘാടനം ചെയ്യുകയായിരുന്നു അദ്ദേഹം. ജില്ലാ പ്രസിഡന്റ് പി.ജി ദേവ് അധ്യക്ഷനായി. ചടങ്ങില്‍ അഡ്വ.എം.സി.ജോസ്, പി.കെ ഫൈസല്‍, കെ.എന്‍ ശശി, കെ.എന്‍ സുരേന്ദ്രന്‍ നായര്‍, ഇട്ടപ്പുറം കുഞ്ഞിക്കണ്ണന്‍, ഒ.കെ നാരായണി, എം.വി വിജയന്‍, കെ.വി രാഘവന്‍, കെ.എം ശ്രീധരന്‍, ടി.വി കുഞ്ഞിരാമന്‍, ഷാഹുല്‍ ഹമീദ്, രമേശന്‍ കരുവാച്ചേരി, സി.ഒ സജി, തോമസ് സെബാസ്റ്റിയന്‍, വി.വി ചന്ദ്രന്‍, മുഹമ്മദ് സിക്കന്തടി, ഷീജ റോബര്‍ട്ട്, കെ.സിന്ധു, ബി.സി.കുമാരന്‍, സി.വി.ഭാവനന്‍, എ.ഭുവനേന്ദ്രന്‍നായര്‍ എന്നിവര്‍ സംസാരിച്ചു.
വി.കെ കുഞ്ഞിരാമന്‍, പി.സി തോമസ്സ്, ടി.ചന്ദ്രശേഖരന്‍, മുഹമ്മദ് ജര്‍മ്മന്‍, സുനീത്കുമാര്‍ മാസ്റ്റര്‍, യോഗനാഥ് ഷെട്ടി, മിനി മാത്യു, വി.വി സുനിത, പി.ശ്രീജ എന്നിവര്‍ നേതൃത്വം നല്‍കി.