തിരുവനന്തപുരം:എസ്.വൈ.എസ് സംസ്ഥാന കമ്മിറ്റി 'ഹുബ്ബുര്‍റസൂല്‍ ഹുബ്ബുല്‍ വത്വന്‍' എന്ന പ്രമേയത്തില്‍ നടത്തിവന്ന മീലാദ് കാംപയിന്റെ സമാപനസമ്മേളനം ഈ മാസം പത്തിനു വൈകിട്ട് നാലുമണിക്ക് തിരുവനന്തപുരം ഗാന്ധിപാര്‍ക്കില്‍ നടക്കും.
സമ്മേളന വിജയത്തിനായി തിരുവനന്തപുരം സമസ്ത ജൂബിലി മെമ്മോറിയല്‍ സൗധത്തില്‍ യോഗം ചേര്‍ന്നു. സ്വാഗതസംഘം ചെയര്‍മാന്‍ നസീര്‍ഖാന്‍ ഫൈസി അധ്യക്ഷനായി. സമസ്ത ഓര്‍ഗനൈസര്‍ ഒ.എം ഷെരീഫ് ദാരിമി ഉദ്ഘാടനം ചെയ്തു. സമസ്തയുടെ എല്ലാ മഹല്ലുകളിലെയും മുഴുവന്‍ പ്രവര്‍ത്തകരെയും പങ്കെടുപ്പിക്കാന്‍ യോഗം തീരുമാനിച്ചു.
സമ്മേളന വിജയത്തിനായി ജില്ലയിലെ വിവിധ മേഖലകളില്‍ പ്രചാരണ പരിപാടികള്‍ നടത്തും. അതിനായി പ്രത്യേക സമിതികളെയും ചുമതലപ്പെടുത്തി. കണിയാപുരം മേഖലയില്‍ നസീര്‍ഖാന്‍ ഫൈസി, അഡ്വ. അസീം, ഷറഫുദ്ദീന്‍ ബാഖവി, ഷാനവാസ് മാസ്റ്റര്‍, നൗഫല്‍, നസീര്‍ മുസ്‌ലിയാര്‍ എന്നിവരെയും തിരുവനന്തപുരം മേഖലയില്‍ അബ്ദുല്‍കബീര്‍ ദാരിമി, അഹ്മദ്
റഷാദി, യഹിയാ നിസാമി, അബ്ദുള്ള മഹഌരി, അഡ്വ. സുബൈര്‍, സ്വാദിഖ്, ഹുസൈന്‍ മുസ്‌ലിയാര്‍, അനീസ് മുസ്‌ലിയാര്‍, ഇഖ്ബാല്‍, അഷ്‌റഫ്, പീര്‍ മുഹമ്മദ് എന്നിവരെയും ആലംകോട് മേഖലയില്‍ ഹസന്‍ ആലംകോട്, അര്‍ഷുദ്ദീന്‍ മുസ്‌ലിയാര്‍, അഷ്‌റഫ് ബാഖവി എന്നിവരെയും ചുമതലപ്പെടുത്തി. യോഗത്തില്‍ ചുള്ളിമാനൂര്‍ അഹ്മദ് റഷാദി, ഹുസൈന്‍ മുസ്‌ലിയാര്‍, സ്വാദിഖ്, അഡ്വ. സുബൈര്‍, അഡ്വ. അസീം നൗഫല്‍, ഇഖ്ബാല്‍, അഷ്‌റഫ്, അബ്ദുള്ള മഹഌരി, യഹിയ നിസാമി, അസീസ് മുസ്‌ലിയാര്‍ തുടങ്ങിയവര്‍ സംസാരിച്ചു. ആലംകോട് ഹസന്‍ സ്വാഗതവും അബ്ദുല്‍കബീര്‍ ദാരിമി നന്ദിയും പറഞ്ഞു.