എടപ്പാള്‍: നെല്ലിശ്ശേരിയില്‍ നടന്ന എടപ്പാള്‍ സുകുമാരന്റെ വാന നിരീക്ഷണ ക്ലാസ് നാട്ടുകാര്‍ക്കും വിദ്യാര്‍ഥികള്‍ക്കും നവ്യാനുഭവമായി . കുണ്ടറുമ്മല്‍ ജുമാ മസ്ജിദിലെ ദര്‍സ് വിദ്യാര്‍ഥികളുടെ പരിപാടിയിലെ പങ്കാളിത്തം പരിപാടിക്ക് മിഴിവേകി.
പ്രാഥമിക വിദ്യാഭ്യാസം മാത്രമുള്ള എടപ്പാള്‍ സുകുമാരന്‍ ചെരുപ്പ് കുത്തിയായാണ് ജീവിതം ആരംഭിച്ചത്. ഇപ്പോള്‍ എടപ്പാളില്‍ ഒരു ചെരുപ്പ് കട നടത്തി വരികയാണ്. മൂന്ന് പതിറ്റാണ്ടണ്ട് കാലമായി വാനനിരീക്ഷണ ശാസ്ത്രത്തെ പറ്റി പഠിച്ചു കൊണ്ടണ്ടിരിക്കുകയാണ് അദ്ദേഹം.
നിരവധി വിദ്യാഭ്യാസ സ്ഥാപനങ്ങളില്‍ എടപ്പാള്‍ സുകുമാരന്‍ ക്ലാസ്സ് എടുത്തിട്ടുണ്ടണ്ട്. അധികാരികളുടെ ഭാഗത്തു നിന്നും കൂടുതല്‍ പിന്തുണ ലഭിക്കുകയാണെങ്കില്‍ പൊതു ജനങ്ങള്‍ക്ക് വാനനിരീക്ഷണത്തെ പറ്റി കൂടുതല്‍ അറിവുകള്‍ നല്‍കാന്‍ കഴിയുമെന്നും സുകുമാരന്‍ പറഞ്ഞു. നജീബ് പി. കെ അധ്യക്ഷനായി.
വാര്‍ഡ് മെമ്പര്‍ കഴുങ്കില്‍ മജീദ് നെല്ലിശ്ശേരി ഉദ്ഘാടനം ചെയ്തു. കുണ്ടറുമ്മല്‍ ജുമാമസ്ജിദ് മുദരീസ് സുബൈര്‍ മിസ്ബാഹി, പ്രമോദ് മാസ്റ്റര്‍,മൊയ്ദു ബിന്‍ കുഞ്ഞുട്ടി,ഹൈദര്‍ ബിന്‍ മൊയ്ദു,അനസ് തറയില്‍,എം.കെ. എം അലി,യൂ.വി സിദ്ധിഖ്,എം. കെ.ഹൈദര്‍ ,നൂറു നെല്ലിശ്ശേരി,വിനോദ് പുളിക്കല്‍ സംസാരിച്ചു.