എടപ്പാള്‍: നെല്ലിശ്ശേരി ഐഎച്ച്ആര്‍ഡി കോളജ് ഓഫ് അപ്ലൈഡ് സയന്‍സിന്റെ കെട്ടിട ഉദ്ഘാടനം ഈമാസം നടക്കും. വിദ്യാഭ്യാസ മന്ത്രി മന്ത്രി സി.രവീന്ദ്രനാഥ് ഉദ്ഘാടനം നിര്‍വഹിക്കും. പുതിയ കെട്ടിടത്തില്‍ ക്ലാസുകള്‍ തിങ്കളാഴ്ച മുതല്‍ ആരംഭിക്കും. ബന്ധപ്പെട്ടവരുടെ അസൗകര്യമാണ് ഉദ്ഘാടനത്തിന് തടസമായി നില്‍ക്കുന്നത്.
സ്വന്തമായി കെട്ടിടമില്ലാത്തതിനെ തുടര്‍ന്ന് നടുവട്ടത്തെ വാടകക്കെട്ടിടത്തില്‍ പ്രവര്‍ത്തിച്ചിരുന്ന കോളജിന് ഇതോടെ സ്വന്തം കെട്ടിടമാകും. സംസ്ഥാന സര്‍ക്കാര്‍ മൂന്നര കോടി രൂപചിലവഴിച്ചാണ് കെട്ടിട നിര്‍മാണം പൂര്‍ത്തിയാക്കിയത്.
2012ല്‍ അന്നത്തെ മുഖ്യമന്ത്രിയായിരുന്ന ഉമ്മന്‍ചാണ്ടണ്ടിയാണ് കെട്ടിട ശിലാസ്ഥാപനം നടത്തിയത്. നെല്ലിശ്ശേരി സ്വദേശിയായ പ്രഫ.അബ്ദുറഹ്മാനാണ് കെട്ടിട നിര്‍മാണത്തിനായി ഒരേക്കര്‍ സ്ഥലം സൗജന്യമായി നല്‍കിയത്. നിലവില്‍ ബിഎസ്‌സി കംപ്യൂട്ടര്‍ സയന്‍സ്,ബിഎസ്‌സി ഇലക്ട്രോണിക്‌സ്,ബികോം കംപ്യൂട്ടര്‍ ആപ്ലിക്കേഷന്‍ തുടങ്ങിയ കോഴ്‌സുകളാണ് ഇവിടെയുള്ളത്.
അടുത്ത വര്‍ഷം മുതല്‍ പിജി കോഴ്‌സുകള്‍ക്കും അനുമതി ലഭിച്ചിട്ടുണ്ടണ്ട്.