മണ്ണാര്‍ക്കാട്: കോട്ടോപ്പാടം, തെങ്കര ഗ്രാമപഞ്ചായത്തുകളിലെ രണ്ട് വാര്‍ഡുകളില്‍ നടന്ന ഉപതെരഞ്ഞെടുപ്പില്‍ യു.ഡിഎഫിന് വിജയം. കോട്ടോപ്പാടം ഗ്രാമപഞ്ചായത്തിലെ ഏഴാം വാര്‍ഡ് അമ്പാഴക്കോട് യു.ഡി.എഫ് സ്ഥാനാര്‍ഥിയായി മത്സരിച്ച മുസ്‌ലിം യൂത്ത്‌ലീഗ് ജില്ലാ ജനറല്‍ സെക്രട്ടറി ഗഫൂര്‍ കോല്‍ക്കളത്തില്‍ 48 വോട്ടിന്റെ ഭൂരിപക്ഷത്തിലും, തെങ്കര ഗ്രാമപഞ്ചായത്തിലെ 14ാം വാര്‍ഡ് പുഞ്ചക്കോടില്‍ യു.ഡി.എഫ് സ്ഥാനാര്‍ഥിയായി മത്സരിച്ച കോണ്‍ഗ്രസ് പ്രതിനിധി സി. ഉഷ 19 വോട്ടിന്റെ ഭൂരിപക്ഷത്തിലുമാണ് വിജയിച്ചത്. കോട്ടോപ്പാടം പഞ്ചായത്തിലേക്ക് നിലവിലെ പഞ്ചായത്തംഗം മരണപ്പെട്ടതിനെ തുടര്‍ന്നും, തെങ്കര പഞ്ചായത്തില്‍ പഞ്ചായത്തംഗത്തിന് സര്‍ക്കാര്‍ ജോലി കിട്ടി രാജിവച്ച ഒഴിവിലേക്കുമാണ് തിരഞ്ഞെടുപ്പ് നടന്നത്.
കോട്ടോപ്പാടം ഉപ തെരഞ്ഞെടുപ്പില്‍ അമ്പാഴക്കോട് വാര്‍ഡില്‍ യു.ഡി.എഫ് സ്ഥാനാര്‍ഥി ഗഫൂര്‍ കോല്‍ക്കളത്തിലിന് 618 വോട്ടും. എല്‍.ഡി.എഫ് സ്ഥാനാര്‍ഥി പറമ്പത്ത് ആഷിഫിന് 570 വോട്ടും, ബി.ജെ.പി സ്ഥാനാര്‍ഥിക്ക് 33 വോട്ടും ലഭിച്ചു. തെങ്കര ഉപതെരഞ്ഞെടുപ്പില്‍ പുഞ്ചക്കോട് വാര്‍ഡില്‍ യു.ഡി.എഫ് സ്ഥാനാര്‍ഥി സി. ഉഷക്ക് 422 വോട്ടും, എല്‍.ഡി.എഫ് സ്ഥാനാര്‍ഥി ഇന്ദിരക്ക് 404 വോട്ടും, ബി.ജെ.പി സ്ഥാനാര്‍ഥിക്ക് 89 വോട്ടുമാണ് ലഭിച്ചത്. നിലവില്‍ ഇരുവാര്‍ഡുകളും എല്‍.ഡി.എഫിന്റെ കയ്യിലായിരുന്നു. എന്നാല്‍ പുതിയതായി ഓരോ വാര്‍ഡുകള്‍ യു.ഡി.എഫിന് ലഭിച്ചെങ്കിലും എല്‍.ഡി.എഫ് ഭരിക്കുന്ന ഇരുഗ്രാമപഞ്ചായത്തുകളിലും നിലവില്‍ ഭരണമാറ്റമുണ്ടാവില്ല.

മണ്ണാര്‍ക്കാട്: കോട്ടോപ്പാടം, തെങ്കര ഗ്രാമപഞ്ചായത്തുകളിലെ രണ്ട് വാര്‍ഡുകളില്‍ നടന്ന ഉപതെരഞ്ഞെടുപ്പില്‍ യു.ഡിഎഫിന് വിജയം. കോട്ടോപ്പാടം ഗ്രാമപഞ്ചായത്തിലെ ഏഴാം വാര്‍ഡ് അമ്പാഴക്കോട് യു.ഡി.എഫ് സ്ഥാനാര്‍ഥിയായി മത്സരിച്ച മുസ്‌ലിം യൂത്ത്‌ലീഗ് ജില്ലാ ജനറല്‍ സെക്രട്ടറി ഗഫൂര്‍ കോല്‍ക്കളത്തില്‍ 48 വോട്ടിന്റെ ഭൂരിപക്ഷത്തിലും, തെങ്കര ഗ്രാമപഞ്ചായത്തിലെ 14ാം വാര്‍ഡ് പുഞ്ചക്കോടില്‍ യു.ഡി.എഫ് സ്ഥാനാര്‍ഥിയായി മത്സരിച്ച കോണ്‍ഗ്രസ് പ്രതിനിധി സി. ഉഷ 19 വോട്ടിന്റെ ഭൂരിപക്ഷത്തിലുമാണ് വിജയിച്ചത്. കോട്ടോപ്പാടം പഞ്ചായത്തിലേക്ക് നിലവിലെ പഞ്ചായത്തംഗം മരണപ്പെട്ടതിനെ തുടര്‍ന്നും, തെങ്കര പഞ്ചായത്തില്‍ പഞ്ചായത്തംഗത്തിന് സര്‍ക്കാര്‍ ജോലി കിട്ടി രാജിവച്ച ഒഴിവിലേക്കുമാണ് തിരഞ്ഞെടുപ്പ് നടന്നത്.
കോട്ടോപ്പാടം ഉപ തെരഞ്ഞെടുപ്പില്‍ അമ്പാഴക്കോട് വാര്‍ഡില്‍ യു.ഡി.എഫ് സ്ഥാനാര്‍ഥി ഗഫൂര്‍ കോല്‍ക്കളത്തിലിന് 618 വോട്ടും. എല്‍.ഡി.എഫ് സ്ഥാനാര്‍ഥി പറമ്പത്ത് ആഷിഫിന് 570 വോട്ടും, ബി.ജെ.പി സ്ഥാനാര്‍ഥിക്ക് 33 വോട്ടും ലഭിച്ചു. തെങ്കര ഉപതെരഞ്ഞെടുപ്പില്‍ പുഞ്ചക്കോട് വാര്‍ഡില്‍ യു.ഡി.എഫ് സ്ഥാനാര്‍ഥി സി. ഉഷക്ക് 422 വോട്ടും, എല്‍.ഡി.എഫ് സ്ഥാനാര്‍ഥി ഇന്ദിരക്ക് 404 വോട്ടും, ബി.ജെ.പി സ്ഥാനാര്‍ഥിക്ക് 89 വോട്ടുമാണ് ലഭിച്ചത്. നിലവില്‍ ഇരുവാര്‍ഡുകളും എല്‍.ഡി.എഫിന്റെ കയ്യിലായിരുന്നു. എന്നാല്‍ പുതിയതായി ഓരോ വാര്‍ഡുകള്‍ യു.ഡി.എഫിന് ലഭിച്ചെങ്കിലും എല്‍.ഡി.എഫ് ഭരിക്കുന്ന ഇരുഗ്രാമപഞ്ചായത്തുകളിലും നിലവില്‍ ഭരണമാറ്റമുണ്ടാവില്ല.