തൊടുപുഴ: എട്ടാം ക്ലാസില്‍ പഠിക്കുമ്പോള്‍ നാടോടിനൃത്തത്തില്‍ സംസ്ഥാനത്ത് 'എ' ഗ്രേഡ്. തൊട്ടടുത്തവര്‍ഷം അത് കുച്ചുപ്പുടിക്കായി. ഈ വര്‍ഷം ഭരതനാട്യത്തില്‍ ജില്ലയില്‍ ഒന്നാംസ്ഥാനം. ചക്കുപള്ളം ജി.ടി.എച്ച്.എസിലെ എസ് അശ്വതിയുടെ സ്‌കൂള്‍ കലോത്സവവേദിയിലെ വൈവിധ്യമാര്‍ന്ന നൃത്തപ്രകടനങ്ങള്‍ ഇങ്ങനെ.
കട്ടപ്പന ചിദംബരം സ്‌കൂള്‍ ഓഫ് ഡാന്‍സില്‍ കഴിഞ്ഞ 12 വര്‍ഷമായി ആമയാര്‍ സ്വദേശി കുമാറിനുകീഴില്‍ നൃത്തം അഭ്യസിക്കുകയാണ് അശ്വതി. കൂലിപ്പണിക്കാരനായ ചക്കുപള്ളം ചാഞ്ഞപ്ലാക്കല്‍ സിദ്ധാര്‍ഥന്റെയും തോട്ടംതൊഴിലാളിയായ അനിതയുടെയും മകള്‍ക്ക് നൃത്തം ഒരു തപസ്യയാണ്. ഓരോ തവണയും കലോത്സവത്തില്‍ പങ്കെടുക്കാനെത്തുന്നത് വാടകയ്‌ക്കെടുത്ത നൃത്തവസത്രങ്ങളുമായാണ്. അതിന് സഹായിക്കുന്നതോ കൂട്ടുകാരുംഅധ്യാപകരുമൊക്കെ