അമ്പലപ്പുഴ: കലോത്സവേദിയില്‍ ഇഞ്ചോടിഞ്ച് പോരാട്ടം. നാലാം ദിനത്തില്‍ തുറവൂര്‍, ചേര്‍ത്തല,കായംകുളം ഉപജില്ലകള്‍ മുന്നിട്ട് നില്‍ക്കുന്നു. ഹൈസ്‌കൂള്‍ വിഭാഗത്തില്‍ 70 ഇനങ്ങളില്‍ മത്സരം പൂര്‍ത്തിയായപ്പോള്‍ 217 പോയിന്റോടെ ചേര്‍ത്തല ഒന്നാം സ്ഥാനത്തും 213 പോയിന്റോടെ മാവേലിക്കര രണ്ടാം സ്ഥാനത്തും എച്ച് .എസ്.എസ് വിഭാഗത്തില്‍ 79 മത്സരങ്ങള്‍ പൂര്‍ത്തിയായപ്പോള്‍ 252 പോയിന്റോടെ തുറവൂര്‍ ഒന്നാം സ്ഥാനത്തും 248 പോയിന്റോടെ കായംകുളം രണ്ടാം സ്ഥാനത്തും എത്തി.
യു.പി വിഭാഗത്തില്‍ 97 പോയിന്റികള്‍ നേടി കായംകുളം ഒന്നാം സ്ഥാനവും ആലപ്പുഴ 96 പോയിന്റ് നേടി രണ്ടാം സ്ഥാനവും പങ്കിടുന്നു,
ഹൈസ്‌കൂള്‍ അറബിക് വിഭാഗത്തില്‍ 83 പോയിന്റോടെ ആലപ്പുഴ ഒന്നാം സ്ഥാനവും 82 പോയിന്റുകള്‍ നേടി കായംകുളം രണ്ടാം സ്ഥാനവും അറബിക് യുപി വിഭാഗത്തില്‍ തുറവൂര്‍ 60 പോയിന്റോടെ ഒന്നാം സ്ഥാനവും 58 പോയിന്റുകള്‍ നേടി ആതിഥേയരായ അമ്പലപ്പുഴ രണ്ടാം സ്ഥാനവും കരസ്ഥമാക്കി.
ഹൈസ്‌കൂള്‍ സംസ്‌കൃതത്തില്‍ 68 പോയിന്റുകള്‍ നേടി തുറവൂര്‍ ഒന്നും 66 പോയിന്റ് നേടിയ മാവേലിക്കര രണ്ടാം സ്ഥാനവും പങ്കിട്ടു.
സംസ്‌കൃതം യു.പി വിഭാഗത്തില്‍ 63 പോയിന്റോടെ ഹരിപ്പാട് ഒന്നാം സ്ഥാനത്തും 53 പോയിന്റോടെ ആലപ്പുഴ രണ്ടാം സ്ഥാനവും പങ്കിടുന്നു.