മണ്ണാര്‍ക്കാട്: മണ്ണാര്‍ക്കാട് നഗരത്തില്‍ തുടങ്ങിയ ഓപ്പറേഷന്‍ അനന്ത പ്രക്രിയയില്‍ മാസങ്ങള്‍ ഏറെ പിന്നിട്ടിട്ടും കയ്യേറ്റ പ്രദേശങ്ങളിലെ ടെലിഫോണ്‍ കാലുകളും മറ്റു അനുബന്ധങ്ങളും ഇനിയും മാറ്റി സ്ഥാപിക്കാതെ പദ്ധതി അട്ടിമറിക്കുകയാണെന്നും ഒരാഴ്ചയ്ക്കകം നഗരത്തിലെ ടെലിഫോണ്‍ കാലുകളും അനുബന്ധങ്ങളും മാറ്റാത്ത പക്ഷം മണ്ണാര്‍ക്കാട് ടെലികോം ഓഫിസിലേക്ക് ഐ.എന്‍.ടി.യു.സിയുടെ നേതൃത്വത്തില്‍ മാര്‍ച്ചും ഉപരോധവും നടത്താനും യോഗം തീരുമാനിച്ചു. യോഗം ജില്ലാ ജനറല്‍ സെക്രട്ടറി പി.ആര്‍ സുരേഷ് ഉദ്ഘാടനം ചെയ്തു. മുനിസിപ്പല്‍ കമ്മിറ്റി പ്രസിഡന്റ് എം അജേഷ് അധ്യക്ഷനായി. ഒ സജീബ്, പി അനൂപ്, പി ഗംഗാധരന്‍, കെ ശിവദാസന്‍, കെ ഗുരുവായൂരപ്പന്‍, എ.കെ അസീസ്, ഷിബു, കെ സുരേഷ്, കെ ഹൈദരലി സംബന്ധിച്ചു.