പാലക്കാട്: ജില്ലാ സ്‌പോര്‍ട്‌സ് കൗണ്‍സില്‍ നടത്തുന്ന 'ഖേലോ ഇന്ത്യ' (നാഷനല്‍ പ്രോഗ്രാം ഫോര്‍ ഡെവലപ്‌മെന്റ് ഓഫ് സ്‌പോര്‍ട്‌സ്) ജില്ലാതല മത്സരങ്ങള്‍ മുട്ടിക്കുളങ്ങര കെ.എ.പി.ഗ്രൗണ്ടില്‍ ഒറ്റപ്പാലം എം.എല്‍.എ പി. ഉണ്ണി ഉദ്ഘാടനം ചെയ്തു. ജില്ലാ സ്‌പോര്‍ട്‌സ് കൗണ്‍സില്‍ പ്രസിഡന്റ് ടി.എന്‍. കണ്ടമുത്തന്‍ അധ്യക്ഷനായി. മലമ്പുഴ ബ്ലോക്ക് പഞ്ചായത്ത് പ്രസിഡന്റ് കെ.പി. ഷൈജ, പുതുപ്പരിയാരം ഗ്രാമപഞ്ചായത്ത് പ്രസിഡന്റ് എ.കെ. നാരായണന്‍, സ്‌പോര്‍ട്‌സ് ഓഫിസര്‍ പി.കെ. രാജീവ്, സെക്രട്ടറി എ. മധുസൂദനന്‍ പങ്കെടുത്തു. വോളിബാള്‍, ഫുട്‌ബോള്‍, ബാഡ്മിന്റണ്‍ മത്സരങ്ങളാണ് ആദ്യദിവസം നടന്നത്.