ഷാര്‍ജ:  പക്വതയാര്‍ന്ന ഇടപെടലുകള്‍ കൊണ്ട് ശ്രദ്ധേയമായ സാന്നിധ്യവും സമുദായത്തിന്റെയും സമൂഹത്തിന്റെയും അവകാശങ്ങള്‍ക്കു വേണ്ടി ധീരമായ നിലപാടുകള്‍ പറയുകയും പ്രവര്‍ത്തിക്കുക
ചെയ്ത പണ്ഡിതനായിരുന്നു കോട്ടുമല ബാപ്പു മുസ്‌ലിയാര്‍ എന്ന്  ഷാര്‍ജ ഇന്ത്യന്‍ ഇസ്‌ലാമിക് ദഅവ  സെന്റര്‍ ഭാരവാഹികള്‍ അനുശോചന സന്ദേശത്തില്‍ പറഞ്ഞു.  

സയ്യിദ് ഷുഹൈബ് തങ്ങള്‍, അബ്ദുല്ല ചേലേരി, അഹമ്മദ് സുലൈമാന്‍ ഹാജി, ഖലീല്‍ റഹ്മാന്‍ കാഷിഫി, ത്വാഹാ സുബൈര്‍ ഹുദവി. റസാഖ് തുരുത്തി, മൊയ്തു സി സി, തുടങ്ങിയവര്‍ സംബന്ധിച്ചു.  

ഉസ്താദിന് വേണ്ടിയുള്ള മയ്യിത്ത് നിസ്‌കാരവും  പ്രാര്‍ഥനാ സദസും ബുധന്‍ രാത്രി ഒമ്പത് മണിക്ക് ഷാര്‍ജ റോളയിലുള്ള  പോസ്റ്റ് ഓഫീസിനു സമീപമുള്ള അല്‍ ഗര്‍ബ് പൊലിസ് സ്റ്റേഷനടുത്തുള്ള മസ്ജിദില്‍ നടക്കും. മുഴുവന്‍ വിശ്വാസി സഹോദരങ്ങളും കൃത്യസമയത്ത്  എത്തിച്ചേരണമെന്ന് ഭാരവാഹികള്‍ അഭ്യര്‍ഥിച്ചു.