കൊണ്ടോട്ടി: കരിപ്പൂര്‍ വിമാനത്താവളത്തില്‍ കേന്ദ്രസുരക്ഷാ സേന അഞ്ചരകിലോ സ്വര്‍ണാഭരണങ്ങള്‍ പിടികൂടി. ഇന്നലെ ഉച്ചക്ക് മുംബൈയില്‍ നിന്ന് കരിപ്പൂരിലെത്തിയ മുംബൈ സ്വദേശിയില്‍ നിന്നാണ് സ്വര്‍ണാഭരണങ്ങള്‍ കണ്ടെത്തിയത്. കേരളത്തിലെ ജ്വല്ലറികളില്‍ വിതരണത്തിന് എത്തിച്ചവയാണിതെന്ന് കരുതുന്നു. ഇവ പിന്നീട് സെയില്‍സ് ടാക്‌സ് വിഭാഗത്തിന് കൈമാറി.
യാത്രക്കാരന് രേഖകള്‍ ഹാജരാക്കാന്‍ കഴിയാത്തതിനാലാണ് സ്വര്‍ണം പിടികൂടിയത്. പിടിച്ചെടുത്ത സ്വര്‍ണത്തിന് ഒന്നര കോടി വിലവരും.