ചക്കരക്കല്‍: ഇരിവേരി-ആര്‍.വി മെട്ട പ്രദേശങ്ങളില്‍ മാലിന്യം തള്ളല്‍ വ്യാപകമാവുന്നു.
ആര്‍.വി മെട്ടയില്‍ നിന്നു ഇരിവേരിയിലേക്കുള്ള വിജനമായ പ്രദേശത്ത് റോഡിന്റെ ഇരുവശങ്ങളിലും ചാക്കിലും പോളിത്തീന്‍ ബാഗുകളിലും കൊണ്ടുവരുന്ന മാലിന്യമാണ് തള്ളുന്നത്.
വാഹനങ്ങളില്‍ രാത്രിസമയത്ത് കൊണ്ടുവരുന്ന മാലിന്യക്കെട്ടുകള്‍ ഇരിവേരി ക്ഷേത്രപറമ്പിന്റെ വള്ളിക്കെട്ടിലും വലിച്ചെറിയുന്നു. ഇതുകാരണം പ്രദേശത്തുകാരും വഴിയാത്രക്കാരും ഏറെ ബുദ്ധിമുട്ടുന്നതായാണ് നാട്ടുകാരുടെ പരാതി.