ഗൂഡല്ലൂര്‍: നേന്ത്ര വാഴകള്‍ക്ക് പ്രത്യേക തരം രോഗം പടര്‍ന്നുപിടിക്കുന്നതുമൂലം കര്‍ഷകര്‍ ആശങ്കയിലായി. ദേവാല മുണ്ടക്കുന്നിലാണ് രോഗം കണ്ടുതുടങ്ങിയിരിക്കുന്നത്. ആനന്ദ്, നടരാജ് തുടങ്ങിയ പത്തോളം കര്‍ഷകരുടെ പത്തായിരം ഏക്കര്‍ നേന്ത്ര വാഴ കൃഷി ഇപ്പോള്‍ നശിച്ച് കൊണ്ടിരിക്കുകയാണ്. ലക്ഷങ്ങള്‍ ചിലവിട്ട് കൃഷിയിറക്കിയ കര്‍ഷകര്‍ ദുരിതക്കയത്തിലാണ്. വാഴ ഇലയുടെ അടി ഭാഗത്ത് കറുത്ത നിറം പ്രത്യക്ഷപ്പെട്ട് ഉണങ്ങി നശിക്കുന്നതാണ് രോഗം. ഇങ്ങനെ ആയിരക്കണക്കിന് വാഴകളാണ് നശിച്ചത്. ഒരു ഏക്കര്‍ കൃഷിക്ക് 4000 രൂപ വില വരുന്ന മരുന്ന് പ്രയോഗിച്ചെങ്കിലും പ്രയോജനമില്ല. ഒരു വാഴക്ക് 200 രൂപ വരെയാണ് ചിലവ് വരുന്നത്. കൃഷിവകുപ്പ് മതിയായ നഷ്ട പരിഹാരം നല്‍കണമെന്നാണ് കര്‍ഷകര്‍ ആവശ്യപ്പെടുന്നത്.