കണിയാമ്പറ്റ: കഴിഞ്ഞ മൂന്നു ദിവസങ്ങളിലായി കണിയാമ്പറ്റ ഹയര്‍സെക്കന്‍ഡറി സ്‌കൂളില്‍ നടന്ന 37ാമത് റവന്യൂ ജില്ലാ സ്‌കൂള്‍ കലോത്സവത്തില്‍ യു.പി വിഭാഗം ജനറലില്‍ വൈത്തിരി ഉപജില്ലയും എച്ച്.എസ്, എച്ച്.എസ്.എസ് വിഭാഗത്തില്‍ മാനന്തവാടി ഉപജില്ലയും ചാംപ്യന്‍പട്ടം നേടി. യു.പി വിഭാഗം സ്‌കൂളില്‍ മാനന്തവാടി ലിറ്റില്‍ഫ്‌ളവര്‍ യു.പി സ്‌കൂളാണ് ചാംപ്യന്‍മാര്‍.
ഹൈസ്‌കൂള്‍ വിഭാഗത്തില്‍ കല്‍പ്പറ്റ എന്‍.എസ്.എസ്.ഇ.എച്ച്.എസ്.എസ് കുത്തക നിലനിര്‍ത്തി. ഹയര്‍സെക്കന്‍ഡറിയില്‍ മിന്നും വിജയവുമായി ഇത്തവണയും ജി.വി.എച്ച്.എസ്.എസ് മാനന്തവാടി എതിരാളികളെ ബഹുദൂരം പിന്നിലാക്കി.
ഉപജില്ലയില്‍ 152 പോയിന്റോടെ വൈത്തിരി ചാംപ്യന്‍ഷിപ്പ് നേടിയപ്പോള്‍ 148 പോയിന്റുമായി മാനന്തവാടി രണ്ടും 137 പോയിന്റുമായി ബത്തേരി മൂന്നും സ്ഥാനങ്ങള്‍ നേടി. ഹൈസ്‌കൂള്‍ വിഭാഗത്തില്‍ 365 പോയിന്റോടെ മാനന്തവാടി ഒന്നാം സ്ഥാനവും 348 പോയിന്റോടെ ബത്തേരി രണ്ടാംസ്ഥാനവും 318 പോയിന്റോടെ വൈത്തിരി മൂന്നാംസ്ഥാനവും നേടി. ഹയര്‍സെക്കന്‍ഡറിയിലും മാനന്തവാടി ഉപജില്ലയാണ് ചാംപ്യന്‍മാര്‍. 424 പോയിന്റാണ് മാനന്തവാടിക്ക്. 395 പോയിന്റുള്ള ബത്തേരി രണ്ടും 355 പോയിന്റുള്ള വൈത്തിരി മൂന്നും സ്ഥാനങ്ങള്‍ നേടി.