കല്‍പ്പറ്റ: സമസ്ത ജില്ലാ കമ്മിറ്റിയുടെ ആഭിമുഖ്യത്തില്‍ കല്‍പ്പറ്റ സമസ്ത ജില്ലാ കാര്യാലയത്തില്‍ ശൈഖ് ജീലാനി, കണ്ണിയത്ത് അഹ്മദ് മുസ്‌ലിയാര്‍, ശംസുല്‍ ഉലമ, കുമരംപുത്തൂര്‍ എ.പി മുഹമ്മദ് മുഹമ്മദ് മുസ്‌ലിയാര്‍, സമസ്ത വിദ്യാഭ്യാസ ബോര്‍ഡ് സെക്രട്ടറിയും ഹജ്ജ് കമ്മിറ്റി ചെയര്‍മാനുമായ കോട്ടുമല ബാപ്പു മുസ്‌ലിയാര്‍ എന്നിവരുടെ അനുസ്മരണവും പ്രാര്‍ഥനാ സമ്മേളനവും ഈമാസം 18ന് രാവിലെ 10 മുതല്‍ നടക്കും. അബ്ദുസമദ് പൂക്കോട്ടൂര്‍ അനുസ്മരണ പ്രഭാഷണം നടത്തും.
സമസ്തയുടെയും പോഷക ഘടകങ്ങളുടെയും സംസ്ഥാന- ജില്ലാ നേതാക്കള്‍ സംബന്ധിക്കും. ഇത് സംബന്ധിച്ച് നടന്ന സംഘാടക സമിതിയുടെ ആലോചനാ യോഗത്തില്‍ സമസ്ത ജില്ലാ പ്രസിഡന്റ് കെ.ടി ഹംസ മുസ്‌ലിയാര്‍ അധ്യക്ഷനായി.
എസ് മുഹമ്മദ് ദാരിമി, സി.പി ഹാരിസ് ബാഖവി, കെ.വി ജഅ്ഫര്‍ ഹൈതമി, കാഞ്ഞായി ഉസ്മാന്‍, ശൗകത്തലി മൗലവി വെള്ളമുണ്ട, അയ്യൂബ് മുട്ടില്‍, കെ.സി നവാസ് മൗലവി സംബന്ധിച്ചു.
ഇന്ന് ജുമുഅ നിസ്‌കാരാനന്തരം മുഴുവന്‍ പള്ളികളിലും കോട്ടുമല ബാപ്പു മുസ്‌ലിയാര്‍ക്ക് വേണ്ടി മയ്യിത്ത് നിസ്‌കരിക്കാനും 18ന് കല്‍പ്പറ്റയില്‍ നടക്കുന്ന അനുസ്മരണ സമ്മേളനം മുഴുവന്‍ ജനങ്ങളെയും അറിയിക്കാനും മഹല്ല് ഭാരവാഹികള്‍, ഖത്തീബുമാര്‍ എന്നിവരോട് യോഗം അഭ്യര്‍ഥിച്ചു.