ആലപ്പുഴ : പുന്നമടയില്‍ പ്രവര്‍ത്തിക്കുന്ന സ്‌പോര്‍ട്‌സ് അതോറിറ്റി ഓഫ് ഇന്ത്യയുടെ തുഴച്ചില്‍ കേന്ദ്രം കേന്ദ്ര പാര്‍ലമെന്ററി സമിതി സന്ദര്‍ശിച്ചു. സ്ത്രീ ശാക്തീകരണത്തിനായുളള പാര്‍ലമെന്ററി സമിതിയാണ് ഇന്നലെ ഉച്ചയോടെ സെന്ററിലെത്തിയത്. തൊഴിലിടങ്ങളില്‍ സ്ത്രീകള്‍ അനുഭവിക്കുന്ന മാനസികവും ശാരീകവുമായി പ്രശ്‌നങ്ങള്‍ പഠിക്കുകയെന്നതാണ് സമിതിയുടെ പ്രധാന ലക്ഷ്യം. ഇതിന്റെ ഭാഗമായി സെന്ററില്‍ പരിശീലനം നടത്തുന്ന വനിതാ കായിക താരങ്ങളെയും സംഘം സന്ദര്‍ശിച്ചു. പരിശീലകരുമായും ആശയവിനിമയം നടത്തി. പുതുതായി നിര്‍മിക്കുന്ന ഹോസ്റ്റലുകളുടെ നിര്‍മാണ പ്രവര്‍ത്തനങ്ങളും പരിശോധിച്ചു.