മനാമ: ബഹ്‌റൈനില്‍ ലേബര്‍ മാര്‍ക്കറ്റ് റെഗുലേറ്ററി അതോറിറ്റി നടത്തിയ പരിശോധനകളില്‍ നിരവധി നിയമലംഘനങ്ങള്‍ കണ്ടെത്തി. 1,780 പരിശോധനാ ക്യാമ്പയിനുകള്‍ നടത്തിയതില്‍ നിന്നായി താമസ വിസ, തൊഴില്‍ നിയമങ്ങള്‍ ലംഘിച്ചത് കണ്ടെത്തി 33 അനധികൃത തൊഴിലാളികളെയാണ് പിടികൂടിയത്.

നിയമലംഘകരായ 152 പേരെ നാടുകടത്തി. ലേബര്‍ മാര്‍ക്കറ്റ് റെഗുലേറ്ററി അതോറിറ്റി നിയമങ്ങളും ബഹ്‌റൈനിലെ താമസ നിയമങ്ങളും ലംഘിച്ചവരെയാണ് കൂടുതലും പിടികൂടിയത്. ദേശീയത, പാസ്‌പോര്‍ട്ട്, റെസിഡന്റ്‌സ് അഫയേഴ്‌സ്, ഗവര്‍ണറേറ്റിന്റെ ബന്ധപ്പെട്ട പൊലിസ് ഡയറക്ടറേറ്റ്, ജനറല്‍ ഡയറക്ടറേറ്റ് ഓഫ് വെര്‍ഡിക്റ്റ് എന്‍ഫോഴ്‌സ്‌മെന്റ് ആന്‍ഡ് ആള്‍ട്ടര്‍നേറ്റിവ് സെന്റന്‍സിങ്, ജനറല്‍ ഡയറക്ടറേറ്റ് ഓഫ് സിവില്‍ ഡിഫന്‍സ്, വ്യവസായ വാണിജ്യ മന്ത്രാലയം, ബഹ്‌റൈന്‍ ടൂറിസം ആന്‍ഡ് എക്‌സിബിഷന്‍ അതോറിറ്റി തുടങ്ങിയ സര്‍ക്കാര്‍ സ്ഥാപനങ്ങള്‍ കാമ്പയിനില്‍ പങ്കെടുത്തു.

32 സംയുക്ത പരിശോധന കാമ്പയിനുകള്‍ കൂടാതെ, കാപിറ്റല്‍ ഗവര്‍ണറേറ്റില്‍ 18 കാമ്പയിനുകളും നടന്നു. മുഹറഖ് ഗവര്‍ണറേറ്റില്‍ ആറ്, നോര്‍ത്തേണ്‍ ഗവര്‍ണറേറ്റില്‍ ആറ്, സതേണ്‍ ഗവര്‍ണറേറ്റില്‍ രണ്ട് എന്നിങ്ങനെയാണ് പരിശോധന കാമ്പയിനുകള്‍ നടന്നത്.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

Bahrain authorities launch widespread inspections, arresting 33 undocumented workers and deporting 152 individuals, intensifying efforts to combat illegal employment and enforce labour regulations.