തൃശൂര്‍: സംസ്ഥാന സ്‌കൂള്‍ കലോത്സവത്തില്‍ ഹൈസ്‌കൂള്‍, ഹയര്‍സെക്കന്‍ഡറി വിഭാഗം നാടക മത്സരത്തിലെ മികച്ച നടനും നടിക്കും ഭരത് പി.ജെ ആന്റണി നാടക അഭിനയപ്രതിഭ അവാര്‍ഡ് നല്‍കുമെന്ന് ഭാരവാഹികള്‍ അറിയിച്ചു. പാര്‍ട്ട് ഒ.എന്‍.ഒ ഫിലിംസ് തൃശൂര്‍, പി.ജെ ആന്റണി മെമ്മോറിയല്‍ ഫൗണ്ടേഷന്‍ കൊച്ചി, ബിന്നി ഇമ്മട്ടി ഫിലിംസ് തൃശൂര്‍, ഫിലിം ചേംബര്‍ കണ്ണൂര്‍, കണ്ണൂര്‍ പ്രസ് ക്ലബ് ആന്‍ഡ് മീഡിയ സെന്റര്‍ എന്നിവയുടെ ആഭിമുഖ്യത്തിലാണ് അവാര്‍ഡ്.
നാടകസംബന്ധിയായ പുസ്തകങ്ങളും ഡിഡികളും ശില്‍പവും പ്രശസ്തിപത്രവും അടങ്ങുന്നതാണ് പുരസ്‌കാരം. 19, 21 തിയതികളില്‍ പകല്‍ 11ന് കലോത്സവ മീഡിയ സെന്ററില്‍ അവാര്‍ഡ് വിതരണം ചെയും.