നിലമ്പൂര്‍: മോഷ്ടിച്ച് കടത്തിയ 60 ക്വിന്റല്‍ അടക്ക നിലമ്പൂര്‍ പൊലിസ് പിടികൂടി. മമ്പാട് പുള്ളിപ്പാടം മാഞ്ചേരി അബൂബക്കറിന്റെ ഉണക്കി സൂക്ഷിച്ച അടക്കയാണ് മോഷ്ടിച്ചത്. കടത്താന്‍ ഉപയോഗിച്ച പുതിയ പിക്കപ്പ് ലോറിയും കസ്റ്റഡിയിലെടുത്തു.
സംഭവത്തില്‍ പുള്ളിപ്പാടം ചെമ്പകശ്ശേരി ജിമ്മി ജോസഫിനെതിരേ കേസെടുത്തു. സുഹൃത്തിന്റെ വീട്ടുമുറ്റത്ത് 23ചാക്കുകളിലാക്കിയാണ് അബൂബക്കര്‍ അടക്ക സൂക്ഷിച്ചിരുന്നത്. കഴിഞ്ഞ ഒമ്പതിന് പുലര്‍ച്ചെയാണ് മോഷണം നടന്നത്.