കറാച്ചി: ഐ.പി.എല്‍ മത്സരങ്ങള്‍ക്കായി പാകിസ്താന്‍ താരങ്ങളെ പരിഗണിക്കണമെന്ന് ബി.സി.സി.ഐയോട് ആവശ്യപ്പെടുമെന്ന് ഐ.സി.സി പ്രസിഡന്റ് സഹീര്‍ അബ്ബാസ്.  ഇന്ത്യന്‍ ക്രിക്കറ്റ് ബോര്‍ഡ് ഐ.പി.എല്ലില്‍ പാകിസ്താന്‍ താരങ്ങളെ കളിപ്പിക്കുകയാണെങ്കില്‍ അത് ടൂര്‍ണമെന്റിന്റെ പ്രാധാന്യവും നിലവാരവും വര്‍ധിപ്പിക്കുമെന്ന് അബ്ബാസ് പറഞ്ഞു. ബംഗളൂരുവില്‍ നടക്കുന്ന ഐ.പി.എല്‍ ഫൈനല്‍ കാണാന്‍ പുതിയ ബി.സി.സി.ഐ പ്രസിഡന്റ് അനുരാഗ് കശ്യപ്, സഹീര്‍ അബ്ബാസിനെ ഇന്ത്യയിലേക്ക് ക്ഷണിച്ചിട്ടുണ്ട്. ഈ പശ്ചാത്തലത്തിലാണ് പാക് താരങ്ങളെ ടൂര്‍ണമെന്റില്‍ കളിപ്പിക്കേണ്ടതുണ്ടെന്ന നിര്‍ദേശം അദ്ദേഹം മുന്നോട്ടു വച്ചത്.
അതേസമയം ഇന്ത്യ-പാകിസ്താന്‍ പരമ്പര പുനരാരംഭിക്കേണ്ടതുണ്ടെന്നും അതിന് കൂടിയാണ് തന്റെ ഇന്ത്യാ സന്ദര്‍ശനമെന്നും അബ്ബാസ് കൂട്ടിച്ചേര്‍ത്തു.