കല്‍പ്പറ്റ: എമിലി അന്‍സാറുല്‍ ഇസ്്‌ലാം പള്ളിക്കമ്മിറ്റിയുടെയും മേപ്പാടി വിംസിന്റെയും സംയുക്ത ആഭിമുഖ്യത്തില്‍ എമിലി പള്ളിക്ക് സമീപം സൗജന്യം മെഗാമെഡിക്കല്‍ ക്യാമ്പും ബ്ലഡ് ഗ്രൂപ്പ് ഡയറക്ടറി പ്രകാശനവും നടത്തി. കല്‍പ്പറ്റ നഗരസഭ വൈസ് ചെയര്‍മാന്‍ പി.പി ആലി ഉദ്ഘാടനം ചെയ്തു. മെഡിക്കല്‍ ക്യാമ്പിന് ഡോ. അനില്‍കുമാര്‍ നേതൃത്വം നല്‍കി. ബ്ലഡ് ഡയറക്ടറി പ്രകാശനം ഡോ. മനോജ് നാരായണന്‍ ഉദ്ഘാടനം ചെയ്തു. കെയംതൊടി മുജീബ് സ്വാഗതം പറഞ്ഞു. കെ. അബ്ദുല്‍ റസാഖ് അധ്യക്ഷത വഹിച്ചു. സൂപ്പി കല്ലങ്കോടന്‍, അബൂബക്കര്‍ ഫൈസി സംസാരിച്ചു.