കൊച്ചി: തിയറ്റര്‍ ഉടമകളുടെ സംഘടനയായ ഫിലിം എക്‌സിബിറ്റേഴ്‌സ് ഫെഡറേഷനെ പിളര്‍ത്തി നടന്‍ ദിലീപിന്റെ നേതൃത്വത്തില്‍ പുതിയ സംഘടന രൂപീകരിച്ചു. സംഘടനക്കു രൂപം നല്‍കുന്നതു നല്ല ഉദ്ദേശ്യത്തോടെയാണെന്നു ദിലീപ് പറഞ്ഞു. തിയറ്റര്‍ അടച്ചിടുന്ന അവസ്ഥ ഇനി ഉണ്ടാവില്ല.  സമരം ഈ മേഖലയിലുള്ളവരെ നിരാശപ്പെടുത്തി. പുതിയ സംഘടനക്കു ഈ മേഖലയില്‍ പ്രവര്‍ത്തിക്കുന്ന മുഴുവന്‍ പേരുടെയും പിന്തുണയുണ്ടെന്നും ദിലീപ് പറഞ്ഞു.
നിരവധി ആളുകളുടെ പരിശ്രമ ഫലമായി ഒരു സിനിമ വരുമ്പോള്‍ പ്രദര്‍ശിപ്പിക്കില്ലെന്നു പറയുന്നതു ശരിയല്ല. കൂടിയാലോചന പോലും ഇല്ലാതെ സ്വീകരിച്ച തീരുമാനമാണിത്. പുതിയ സംഘടന താല്‍കാലികമായി രൂപീകരിക്കുന്നതല്ല. ഭാവിയില്‍ പുതിയ സംഘടനക്കായിരിക്കും പ്രാധാന്യം ലഭിക്കുകയെന്നും ദിലീപ് വ്യക്തമാക്കി.