കൊണ്ടോട്ടി: എയര്‍ഇന്ത്യാ എക്‌സ്പ്രസിന്റെ കരിപ്പൂര്‍-തിരുവനന്തപുരം സര്‍വിസിന് നാളെ തുടക്കമാവും.
കരിപ്പൂര്‍-ദോഹ സര്‍വിസാണ് തിരുവനന്തപുരത്തേക്ക് ദീര്‍ഘിപ്പിക്കുന്നത്. തിരുവനന്തപുരം-കരിപ്പൂര്‍ സര്‍വിസ് തിങ്കളാഴ്ചയാണ് ആരംഭിക്കുക.
രാത്രി 10.50ന് കരിപ്പൂരില്‍നിന്ന് പുറപ്പെടുന്ന വിമാനം രാത്രി 11.25നാണ് തിരുവനന്തപുരത്ത് എത്തുക.
രാവിലെ ഏഴിന് തിരുവനന്തപുരത്തുനിന്ന് പുറപ്പെടുന്ന വിമാനം രാവിലെ 7.45ന് കരിപ്പൂരിലെത്തും. തുടര്‍ന്ന് 11.40ന് കരിപ്പൂരില്‍നിന്ന് ദോഹയിലേക്ക് പുറപ്പെടും. ദോഹയില്‍നിന്ന് രാത്രി 9.10ന് കരിപ്പൂരില്‍ ഇറങ്ങിയതിന് ശേഷമാണ് തിരുവനന്തപുരത്തേക്ക് തിരിക്കുക. കരിപ്പൂര്‍ റിയാദ് സര്‍വിസിന്റെ എണ്ണവും വര്‍ധിപ്പിച്ചിട്ടുണ്ട്.  ആഴ്ചയില്‍ നാലു ദിവസമാണ് കരിപ്പൂരില്‍നിന്ന് റിയാദിലേക്ക് എക്‌സ്പ്രസിന് സര്‍വിസുള്ളത്. ഫെബ്രുവരി 15 മുതല്‍ ശനിയാഴ്ചയും റിയാദിലേക്ക് കരിപ്പൂരില്‍ നിന്ന് സര്‍വിസുണ്ടാകും.