കാസര്‍കോട്: എസ്.കെഎസ്.എസ്.എഫ് ജില്ലാ കമ്മിറ്റി 26നു കാഞ്ഞങ്ങാട് സംഘടിപ്പിക്കുന്ന മനുഷ്യ ജാലികയുടെ പ്രചാരണാര്‍ഥം 20നു ഉച്ചക്ക് രണ്ടിനു ജില്ലയിലെ 200 കേന്ദ്രങ്ങളില്‍ ശാഖാ കമ്മിറ്റികളുടെ കീഴില്‍ 'ചങ്ങാത്തം' സൗഹൃദ സംഗമം സംഘടിപ്പിക്കും. 18 മുതല്‍ 33 കേന്ദ്രങ്ങളില്‍ ജാലിക വിചാരം നടക്കും. ജില്ലയിലെ ദര്‍സ് അറബിക് കോളജുകളില്‍ പര്യടനം നടത്തും. ജില്ലാ സെക്രട്ടറിയേറ്റ് യോഗത്തില്‍ ജില്ലാ പ്രസിഡന്റ് താജുദ്ധീന്‍ ദാരിമി അധ്യക്ഷനായി. ജനറല്‍ സെക്രട്ടറി ഹാരിസ് ദാരിമി, ട്രഷറര്‍ സുഹൈര്‍ അസ്ഹരി, ബഷീര്‍ ദാരിമി, അബ്ദുസലാം ഫൈസി, റഷീദ് ഫൈസി, അബൂബക്കര്‍ സിദ്ധീഖ്, നാഫിഅ് അസ്അദി, യൂനുസ് ഫൈസി, ശരീഫ് നിസാമി, യൂനുസ് ഹസനി, സിദ്ധീഖ്, ശറഫുദ്ധീന്‍, മുഹമ്മദലി, മുഹമ്മദ് ഫൈസി, മൊയ്തീന്‍ കുഞ്ഞി, ഫാറൂഖ് ദാരിമി സംബന്ധിച്ചു.