തിരുവനന്തപുരം: തനിക്ക് യാതൊരു അപകടവും സംഭവിച്ചിട്ടില്ലെന്നും താന്‍ ജീവനോടെ ഉണ്ടെന്നും നടനും എം.പിയുമായ ഇന്നസെന്റ്. ഇടതുപക്ഷ സര്‍ക്കാരിന്റെ സത്യപ്രതിജ്ഞാ ചടങ്ങില്‍ പങ്കെടുക്കാന്‍ താന്‍ തിരുവനന്തപുരത്ത് ഉണ്ടെന്നും ഇന്നസെന്റ് ഫേസ്ബുക്കിലൂടെ അറിയിച്ചു. ബിജു മേനോന്‍ നായകനാവുന്ന വെള്ളക്കടുവ എന്ന സിനിമയുടെ ഷൂട്ടിങ് സെറ്റില്‍ വച്ച് ഇന്നസെന്റിനെ ആശുപത്രിയില്‍ പ്രവേശിപ്പിച്ചു എന്നപേരില്‍ വാര്‍ത്ത പുറത്തുവന്നിരുന്നു. ഇതിനെതുടര്‍ന്നാണ് വിശദീകരണം.