കോയമ്പത്തൂര്‍: അന്തര്‍ സര്‍വകലാശാല അത്‌ലറ്റിക് മീറ്റിലെ വനിതാ കിരീടം വിട്ടു നല്‍കാതെ കോട്ടയം എം.ജി സര്‍വകലാശാല. തുടര്‍ച്ചയായി അഞ്ചാം തവണയാണ് എം.ജി കിരീടം നേടുന്നത്. പുരുഷ വിഭാഗത്തില്‍ മാംഗ്ലൂര്‍ സര്‍വകലാശാലയാണ് കിരീടം ചൂടിയത്. ആദ്യമായാണ് മംഗലാപുരം കിരീടം ചൂടുന്നത്. ഓവറോള്‍ രണ്ടാം സ്ഥാനവും എം.ജിക്കാണ്.

വനിതാ വിഭാഗത്തില്‍ പഞ്ചാബി സര്‍വകലാശാല രണ്ടാം സ്ഥാനവും മംഗലാപുരം മൂന്നാം സ്ഥാനവും നേടി. പുരുഷ വിഭാഗത്തില്‍ പഞ്ചാബി,മദ്രാസ് സര്‍വകലാശാലകള്‍ യഥാക്രമം രണ്ട്,മൂന്ന് സ്ഥാനങ്ങള്‍ നേടി.