കോതമംഗലം: കേരള സ്റ്റേറ്റ് കോഓപ്പറേറ്റീവ് ഇന്‍സ്‌പെക്ടേഴ്‌സ് ആന്റ് ആഡിറ്റേഴ്‌സ് അസോസിയേഷന്‍ സംസ്ഥാന നേതൃത്വ പരിശീലന ക്യാംപ് (നിനവ് 2017) കുട്ടമ്പുഴയില്‍ ഇന്ന് ആരംഭിച്ച് നാളെ സമാപിക്കും.
ഉദ്ഘാടന സമ്മേളനം, സെമിനാര്‍, സഹകരണ കാരുണ്യ ട്രെയിനിങ് പ്രോഗ്രാം, കലാസന്ധ്യ, സമാപന സമ്മേളനം എന്നിവയാണ് ക്യാംപിലെ മുഖ്യ പരിപാടികള്‍.
ഇന്ന് വൈകിട്ട് മൂന്നിന് എല്‍ദോസ് കുന്നപ്പിള്ളി എം.എല്‍.എ ക്യാംപ് ഉദ്ഘാടനം ചെയ്യും. അസോസിയേഷന്‍ സംസ്ഥാന പ്രസിഡന്റ് ജോണ്‍ ജോസഫ് അധ്യക്ഷനാകും. രാത്രി 7.30നു കലാസന്ധ്യ അരങ്ങേറും.നാളെ രാവിലെ 8.30നു നേതൃത്വവും വ്യക്തിത്വ വികസനവും പരിപാടി അന്താരാഷ്ട്ര പരിശീലകന്‍ സിജി ആന്റണി ഉദ്ഘാടനം ചെയ്യും.
സംസ്ഥാന സെക്രട്ടറി സുലൈമാന്‍ ഇസ്‌ലാമി അധ്യക്ഷനാകും. 11.30 ന് സഹകരണ ക്വിസ് അരങ്ങേറും. ആറിന് മുന്‍ മുഖ്യമന്ത്രി ഉമ്മന്‍ചാണ്ടി സഹകരണ കാരുണ്യ പ്രവര്‍ത്തനങ്ങളുടെ ഉദ്ഘാടനം നിര്‍വഹിക്കും.