മുതലക്കോടം : പഴേരി മുഹിയിദ്ദീന്‍ ജുമാ മസ്ജിദിന്റെ ആഭിമുഖ്യത്തില്‍ ജീലാനി അനുസ്മരണ പ്രഭാഷണവും ദുആ മജ്‌ലിസും ഇന്ന് രാത്രി 8.30 ന് ജുമാമസ്ജിദ് അങ്കണത്തില്‍ നടത്തും.  ജമാഅത്ത് പ്രസിഡന്റ് കെ.എച്ച്. അബ്ദുല്‍ അസീസ് ലത്തീഫിയുടെ അധ്യക്ഷതയില്‍ ഹൈദര്‍ ഉസ്താദ് കുന്നം ഉദ്ഘാടനം നിര്‍വഹിക്കും. പഴേരി ജമാഅത്ത് ഇമാം അഷ്‌റഫ് അഷ്‌റഫി ആമുഖ പ്രഭാഷണം നടത്തും.
അനുസ്മരണ പ്രഭാഷണവും ദുആ നേതൃത്വവും പെരുമ്പിള്ളിച്ചിറ ജുമാ മസ്ജിദ് ചീഫ് ഇമാം മുഹമ്മദ് അബ്ദുല്‍ ബാരി ഫൈസി നിര്‍വഹിക്കും. ജമാഅത്ത് ജന. സെക്രട്ടറി കെ.ബി. അബ്ദുല്‍ അസീസ്, അബ്ദുല്‍ കബീര്‍ റഷാദി, കല്ലാര്‍ ഹനീഫ് കാശിഫി, ഹാഷിം ബാഖവി, അബ്ദുറഹ്മാന്‍ സഅദി, മുഹമ്മദ് സാബിര്‍ അഹ്‌സനി, അഷ്‌റഫ് മന്നാനി, ഇസ്മായില്‍ മൗലവി പാലമല, അബ്ദുല്‍ ജബ്ബാര്‍ മൗലവി, കരിം ഫൈസി, അബ്ബാസ് മൗലവി, അബ്ദുല്‍ കരിം മൗലവി,  അബ്ദുല്‍ കബീര്‍ മൗലവി, സി.ഇ. മൈതീന്‍ ഹാജി, പി.ഇ നൗഷാദ് എന്നിവര്‍ ആശംസകളര്‍പ്പിക്കും.