തലയോലപ്പറമ്പ്: ജില്ലാ സ്‌കൂള്‍ യുവജനോത്സവത്തില്‍ ഹയര്‍സെക്കന്‍ഡറി വിഭാഗത്തില്‍ മലയാളം പദ്യം ചൊല്ലലിലും ഇംഗ്ലീഷ് പദ്യം ചൊല്ലലിലും മൂന്നാംതവണയും ഒന്നാം സ്ഥാനം നേടിയ തലയോലപ്പറമ്പ് എ.ജെ ജോണ്‍ ഹയര്‍ സെക്കന്‍ഡറി സ്‌കൂളിലെ വിദ്യാര്‍ഥിനി അഞ്ജു ബി.വര്‍ഗീസിനെ ബഷീര്‍ അമ്മ മലയാളം സാഹിത്യ കൂട്ടായ്മ ആദരിക്കും.
ഒ.എന്‍.വി അനുസ്മരണ ചടങ്ങില്‍വച്ച് വയലാര്‍ അവാര്‍ഡ് ജേതാവ് യു.കെ. കുമാരന്‍ പൊന്നാടയണിയിക്കും.
തലയോലപ്പറമ്പ്, പൊതി മടിയപ്പള്ളിമ്യാലില്‍ ബിജു വര്‍ഗീസിന്റെയും (എസ്.ബി.ഐ, മൂന്നാര്‍), സെലിന്‍ ലോപ്പസിന്റെയും (ഡി.ഇ.ഒ. ഓഫീസ്, കടുത്തുരുത്തി) മകളാണ്.