പട്ടാമ്പി: റിപ്പബ്ലിക് ദിന പരേഡില്‍ പങ്കെടുക്കാനും ധീരതക്കുള്ള അവാര്‍ഡ് പ്രധാനമന്ത്രിയില്‍നിന്ന് സ്വീകരിക്കാനും ഡല്‍ഹിയിലേക്ക് പോകുന്ന പൂവക്കോട് സ്വദേശിനി ബദറുന്നീസക്ക് നാട് യാത്രയപ്പ് നല്‍കി. പൂവക്കോട് സെന്ററില്‍ നടന്ന അനുമോദന-യാത്രയപ്പ് സമ്മേളന ഉദ്ഘാടനം ബ്ലോക്ക് പഞ്ചായത്ത് പ്രസിഡന്റ് കമ്മുകുട്ടി എടത്തോള്‍ നിര്‍വഹിച്ചു.
പഞ്ചായത്ത് ആക്ടിങ് പ്രസിഡന്റ് പി.എ സൈനബ അധ്യക്ഷയായി. ബ്ലോക്ക് പഞ്ചായത്തംഗങ്ങളായ വി.എം മുഹമ്മദ് അലി, ജുസ്‌ന, ഓങ്ങല്ലൂര്‍ പഞ്ചായത്തംഗങ്ങളായ എ.എം നാരായണന്‍, സുനിത, കൗണ്‍സിലര്‍ സി.എ റാസി, പി.എം വാസുദേവന്‍, പി.കെ ഉണ്ണികൃഷ്ണന്‍, കെ.എം ഹരിദാസ്, എം.ആര്‍ ജയശങ്കര്‍, ടി.വി രജ്ഞിത്ത്, വിജയന്‍ പൂവക്കോട് സംബന്ധിച്ചു.