എരുമപ്പെട്ടി: കടങ്ങോട് ഉണ്ണിമിശിഹാ ദേവാലയത്തില്‍ പരിശുദ്ധ കന്യാമറിയത്തിന്റേയും വിശുദ്ധ സെബസ്ത്യാനോസിന്റേയും സംയുക്ത തിരുനാള്‍ ആഘോഷങ്ങള്‍ക്ക് തുടക്കമായി. മൂന്ന് ദിവസങ്ങളിലായാണ് തിരുനാള്‍ ആഘോഷങ്ങള്‍ നടക്കുന്നത്. വെള്ളിയാഴ്ച രാത്രി വിശുദ്ധ കുര്‍ബ്ബാന, ലദീഞ്ഞ്, നൊവേന, കൂടു തുറക്കല്‍, ശുശ്രൂഷ എന്നിവ നടന്നു. ദീപാലങ്കാരത്തിന്റെ സ്വിച്ച് ഓണ്‍ കര്‍മ്മം എരുമപ്പെട്ടി ഫൊറോന പള്ളി വികാരി ഫാദര്‍പോള്‍ താണിക്കല്‍ നിര്‍വഹിച്ചു. തുടര്‍ന്ന് പ്രമുഖ കലാകാരന്മാര്‍ അണിനിരന്ന തിരുമുറ്റ മേളം നടന്നു. ചടങ്ങുകള്‍ക്ക് വികാരി ഫാദര്‍ ജോഫി ചിറ്റിലപ്പിള്ളി, പി.വി ജോണ്‍സണ്‍ , സി.കെ ജോണ്‍സണ്‍ തുടങ്ങിയവര്‍ നേതൃത്വം നല്‍കി. തിരുനാള്‍ ദിനമായ ഇന്ന് അമ്പ് വള സമര്‍പ്പണം, ആഘോഷമായ തിരുനാള്‍ പാട്ട് കുര്‍ബ്ബാന നടക്കും.