ദുബൈ: ലോക്‌സഭാ തെരെഞ്ഞെടുപ്പ് പ്രചാരണ ഭാഗമായി ദുബൈ കെഎംസിസി മലപ്പുറം ജില്ലാ കമ്മിറ്റി സംഘടിപ്പിച്ച പരിപാടി ശ്രദ്ധേയമായി. അബൂ ഹൈല്‍ കെഎംസിസി ഓഡിറ്റോറിയത്തില്‍ 'ദുബൈ ഒരുങ്ങി ഇന്‍ഡ്യക്കൊപ്പം' എന്ന പ്രമേയത്തില്‍ നടന്ന ബഹുജന സംഗമം ഡോ. അന്‍വര്‍ അമീന്‍ ഉദ്ഘാടനം ചെയ്തു. സിദ്ദീഖ് കാലൊടി അധ്യക്ഷത വഹിച്ച ചടങ്ങില്‍ ഒഐസിസി  ഇന്‍കാസ് ഗ്‌ളോബല്‍ സെക്രട്ടറിയും മിഡില്‍ ഈസ്റ്റ് കണ്‍വീനറുമായ അഡ്വ. ഹാഷിഖ് തൈക്കണ്ടി മുഖ്യ പ്രഭാഷണം നടത്തി. സി.വി.എം വാണിമേല്‍, ആര്‍.ഷുക്കൂര്‍, കെ.പി.എഎ സലാം, ചെമ്മുക്കന്‍ യാഹു മോന്‍ ഹാജി, പി.വി നാസര്‍, ഫൈസല്‍ തുറക്കല്‍, മൊയ്തു മക്കിയാട് ആശംസ നേര്‍ന്നു. നാസര്‍ എടപ്പറ്റ, ഇബ്രാഹിം വട്ടംകുളം, ഒ.ടി സലാം, സക്കീര്‍ പാലത്തിങ്ങല്‍, മുജീബ് കോട്ടക്കല്‍, മുസ്തഫ ആട്ടീരി, മൊയ്തീന്‍ പൊന്നാനി, ടി.പി. സൈതലവി, മുഹമ്മദ് കമ്മിളി, നജ്മുദ്ദീന്‍ തറയില്‍, ശരീഫ് അയ്യായ, മുനീര്‍ തയ്യില്‍, അശ്‌റഫ് കൊണ്ടോട്ടി നേതൃത്വം നല്‍കി. മലപ്പുറം ജില്ലാ പരിധിയായ വയനാട്ടില്‍ ജനവിധി തേടുന്ന രാഹുല്‍ ഗാന്ധി, ഇ.ടി മുഹമ്മദ് ബഷീര്‍, എം.പി അബ്ദുസ്സമദ് സമദാനി എന്നിവരുടെ തെരഞ്ഞെടുപ്പ് പോസ്റ്റര്‍ ഡിസ്പ്‌ളേ ഷോ, ഡോക്യുമെന്ററി പ്രദര്‍ശനം നടന്നു. എ.പി നൗഫല്‍ സ്വാഗതവും സി.വി അഷ്‌റഫ് നന്ദിയും പറഞ്ഞു.